Bıyl 325 uıym, al 2018 jyly 61 uıym satýǵa shyǵarylatyn bolady - Súleımenov
«Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýda Úkimetke Keshendi josparǵa engen uıymdardy jekeshelendirýdi 2018 jyldyń sońyna deıin aıaqtaý tapsyryldy. Osyǵan baılanysty Qarjy mınıstrligi memlekettik organdarmen jáne uıymdarmen, sondaı-aq ulttyq basqarýshy holdıngtermen birlesip jekeshelendirý protsesin jandandyrý boıynsha aýqymdy jumys júrgizýde», - dedi ol.
Mınıstrdiń atap ótýinshe, 2017 jylǵy 1 sáýirdegi jaǵdaı boıynsha kesteler qaıta bekitilip, árbir nysandy satý jónindegi jol kartalary ázirlengen.
«Nátıjesinde 2017 jyly 325 uıym, al 2018 jyly 61 uıym satýǵa shyǵarylatyn bolady. 2019-2020 jyldary elimizdiń «Eır Astana» AQ, «Qazatomónerkásip» UAK» AQ, «Qazaqtelekom» AQ, «QazMunaıGaz» UK» AQ, «Qazposhta» AQ, «Samuryq-Energo» AQ, «Qazaqstan temir joly» UK» AQ, «Taý-Ken Samuryq» UK» AQ, sııaqty 8 iri aktıvin IPO/SPO-ǵa shyǵarý josparlanýda», - dedi Súleımenov.
Onyń sózine qaraǵanda, ekonomıkany jańǵyrtý máseleleri jónindegi memlekettik komıssııada TOP-64-tiń 22 aktıvin, onyń ishinde respýblıkalyq menshiktegi 8 kompanııa men «Samuryq Qazyna» UÁQ» AQ-nyń 14 kompanııasyn, sondaı-aq qordyń básekeles ortaǵa berýge jatatyn 215 aktıviniń 157-sin satý tásili boıynsha sheshimder qabyldandy.
«Odan ári Jekeshelendirýdiń 2016-2020 jyldarǵa arnalǵan keshendi josparyn iske asyrý boıynsha jumys qaıta bekitilgen nysandardy satý kestesine sáıkes jalǵasatyn bolady», - dedi ol.