Bıyl 3 myńǵa jýyq adam qar qursaýynan qutqaryldy – TJM

ASTANA. QazAqparat – Qys mezgili bastalǵaly elimizde 3 myńnan astam adam qar qursaýynan qutqaryldy. Bul týraly QR Tótenshe jaǵdaılar birinshi vıtse-mınıstri Ibragım Kúlshimbaev málim etti, dep habarlaıdy QazAqparat tilshisi.

«Qys bastalǵaly aýa raıy qolaısyzdyǵynan 700-ge jýyq avtojol ýchaskesi jabyldy. Onyń ishinde 351 respýblıkalyq jáne 346 jergilikti jol bar. 663 ret daýyl týraly eskertý jarııalandy. ıAǵnı turǵyndarǵa 1 227 SMS jáne «Darmen» qosymshasy arqyly 1 290 habarlama jiberildi. Qar qursaýynan 2 847 adam, onyń ishinde 328 bala qutqarylyp, evakýatsııalandy. Bul jumysqa 300-den astam tehnıka jumyldyryldy», – dedi Ibragım Kúlshimbaev Ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń aıtýynsha, jol jabylǵan aýmaqtarda qutqarýshylar men polıtsııa qyzmetkerleri kúzetti. Sonymen qatar arnaıy beketter qoıyldy.

«Tótenshe jaǵdaılardyń aldyn alý jáne kúresý maqsatynda birneshe quzyrly organdardyń ókilderinen quralǵan respýblıkalyq jedel shtab quryldy. Sáıkesinshi aımaqtyq shtabtar da iske qosyldy. Respýblıkalyq shtab quramynda 37 myń adam jáne 13 myń birlik tehnıka toptastyryldy», – deıdi ol.

Mınıstrlik bergen málimetke sáıkes ortalyq jáne jergilikti atqarýshy organdardyń qys mezgiline daıyndyǵy byltyr qarashada pysyqtaldy.