Bıyl 23 jańartylatyn energetıka nysany iske qosylady – Nurlan Noǵaev
«Bıyl qýaty 381 MVt bolatyn 23 jańartylatyn energetıka nysany iske qosylatyn bolady. Sonyń ishinde 5 gıdroelektr stantsııasy, 5 kún jáne 13 jel elektr stantsııasy qamtylyp otyr», - dedi mınıstr Úkimet otyrysynda.
Jańartylatyn energetıka sektoryn odan ári damytý úshin Mınıstrlik múddeli taraptarmen birlesip:
- 250 MVt jańartylatyn energetıka jobalaryn irikteý boıynsha aýktsıondyq saýda-sattyqty ótkizý;
- Elektr energııasyn jınaqtaý júıeleri bar jańartylatyn energetıkany damytý;
- Halyq pen shaǵyn jáne orta bıznes arasynda jańartylatyn energetıkanyń bólingen generatsııasy tetigin jetildirý;
- Іri gıdroelektr stantsııalary úshin yntalandyrý tetikterin usyný;
- 2025 jylǵa deıin ekologııalyq taza energııa kólemin 2 esege ulǵaıtý baǵytynda jumys júrgizedi.
«Qazaqstanda energetıkany ártaraptandyrý jáne turaqty damytý maqsatynda jańartylatyn energııa kózderi naryǵyn damytý odan ári jalǵasatyn bolady. Jańartylatyn energııa kózderin damytýdyń alǵashqy satysyn sátti aıaqtaı otyryp, kelesi kezeńde osy saladaǵy múddeli taraptardy, onyń ishinde ǵalymdar men ınjenerlerdi tarta otyryp, júıelik negizde «jasyl» energetıkany serpindi damytý basty nazarda bolatynyn atap ótkim keledi», - dedi Nurlan Noǵaev.
Budan buryn habarlanǵandaı, memlekettik josparlaý júıesiniń qujattarynda mynadaı naqty maqsattar qoıylǵan, atap aıtqanda elektr energııasyn óndirýdiń jalpy kólemindegi jańartylatyn energetıkanyń úlesin 2025 jyly 6 paıyzǵa, 2030 jyly 10 paıyzǵa deıin jetkizý eskerilgen. Al 2050 jylǵa qaraı jalpy energııa tutynýdyń keminde jartysy jańartylatyn jáne balamaly energııa kózderine tıesili bolýǵa tıis.