Bıyl 2 myńnan astam áleýmettik joba iske asyrylady

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva úkimettik emes uıymdardy (ÚEU) qoldaý tetikteri týraly aıtty, dep habarlaıdy QazAqparat tilshisi.

«2020 jyldyń qarashasynda Qazaqstannyń IX Azamattyq forýmyn ótkizýdi josparlap otyrmyz. Úkimettik emes sektor áleýmettik máselelerdi sheshýde jáne azamattyq bastamalardy belsendi etýde memlekettiń senimdi seriktesi bolyp tyr. Osyǵan baılanysty mınıstrlik ÚEU-ny memlekettik qoldaý tetikterin damytý arqyly onyń turaqtylyǵyn arttyrý boıynsha jumysty júrgizýde», - dedi mınıstr Ortalyq kommýnıkatsııalar qyzmetinde onlaın rejımde ótken halyqqa esep berý kezdesýi barysynda.

Osy oraıda ol jyl saıyn memlekettik áleýmettik tapsyrys pen granttyq qarjylandyrý aıasynda áleýmettik jobalardy qarjylandyrý kólemi artyp otyrǵandyǵyn jetkizdi.

Aıta keteıik, 2016 jyldan beri granttyq qarjylandyrý 9 eseden astam artty. Memlekettik áleýmettik tapsyrys aıasynda 2020 jyly jalpy somasy 18 mlrd teńgege 2 myńnan astam áleýmettik joba iske asyrylatyn bolady.