Bıyl 2,6 mln gektar paıdalanylmaǵan jer memlekettik menshikke qaıtaryldy
Aýyl sharýashylyǵynyń tabysty jumys isteýi úshin ár gektar jerdi paıdalaný qajet. Tıimdi jumys isteıtin jer baqylaý jáne qadaǵalaý ınstıtýtynyń qadaǵalanýynda bolýy aýyl sharýashylyǵy maqsatyndaǵy jerlerdi maqsatty paıdalanýdy qalpyna keltirýdiń ajyramas sharty bolyp tabylady. Búgingi tańda, aýyl sharýashylyǵy maqsatyndaǵy jerlerdi qorǵaý salasyndaǵy baqylaý fýnktsııalaryn tıisti oblystar aýdandarynyń jergilikti atqarýshy organdary júzege asyrady. Aýyl sharýashylyǵy maqsatyndaǵy jerlerdi qorǵaý salasyndaǵy baqylaý fýnktsııalaryn odan ári kúsheıtý úshin AShM jerlerdiń paıdalanylýyn ǵaryshtyq monıtorıngteý ádisin engizip, Aqmola, Qostanaı, Shyǵys Qazaqstan jáne Mańǵystaý oblystarynda pılottyq jobany iske qosty. 2019 jylǵy 28 qazanda Qazaqstan Respýblıkasynyń Jer kodeksine ǵaryshtyq monıtorıngteýdi qoldana otyryp, paıdalanylmaıtyn aýyl sharýashylyǵy jerlerin anyqtaý bóliginde ózgerister engizýdi kózdeıtin Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly Qazaqstan Respýblıkasynyń № 268-VІ QR Zańy qabyldandy. Al aǵymdaǵy jyldyń qańtar aıynda Jerdi qashyqtyqtan zondtaý derekteri boıynsha veb-portalda paıdalanylmaıtyn aýyl sharýashylyǵy jerlerin anyqtaýdyń tsıfrlyq tetigin aıqyndaıtyn AShM-niń 2020 jylǵy 17 qańtardaǵy № 7 buıryǵy qabyldandy. Qazirdiń ózinde atalǵan pılottyq óńirlerde 7,7 mln ga paıdalanylmaıtyn jerler anyqtaldy», - dedi Asqar Mamın.
Úkimet basshysynyń aıtýynsha, jer ınspektorynyń jeke kabınetteri quryldy. Paıdalanylmaıtyn jerlerge avtomatty túrde habarlama qalyptastyrý jáne ony jer paıdalanýshynyń jeke kabınetine jiberý kózdeldi. Bul rette jer paıdalanýshylar tolyq zerdeleý úshin elektrondyq tsıfrlyq qoltańba arqyly veb-portaldaǵy óz jer ýchaskelerine qol jetkize alady. Búgingi kúni ákimdikter atalǵan baǵyt boıynsha jumysty jalǵastyrýda.
«Júrgizilgen jumystardyń nátıjeleri boıynsha 2020 jyldyń basynan bastap 2,6 mln gektardan astam paıdalanylmaǵan jer erikti túrde memlekettik menshikke qaıtaryldy. Qazirgi ýaqytta, bul jobany júrgizý barysynda AShM ony odan ári jetildirý úshin egjeı-tegjeıli taldaý júrgizýde. Budan basqa, AShM QR Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip «Qazaqstan Ǵarysh Sapary» Ulttyq kompanııasy» AQ bazasynda geoportal qurdy. Qazirgi ýaqytta alty oblysta jumystar aıaqtaldy. Jerdi qashyqtyqtan zondtaý derekterin taldaý qorytyndylarynda 2020 jyldyń 1 jartyjyldyǵyndaǵy jaǵdaı boıynsha: Aqmola oblysynda – 261,1 myń ga, Soltústik Qazaqstan oblysynda – 269,8 myń ga, Qaraǵandy oblysynda – 214,6 myń ga, Shyǵys Qazaqstan oblysynda – 157,4 myń ga, Jambyl oblysynda – 59,5 myń ga, Almaty oblysynda – 67,9 myń ga paıdalanylmaıtyn jerler; Aqmola oblysynda – 133,6 myń ga, Soltústik Qazaqstan oblysynda – 88,7 myń ga, Qaraǵandy oblysynda – 51 myń ga, Shyǵys Qazaqstan oblysynda – 158 myń ga, Jambyl oblysynda – 53,5 myń ga, Almaty oblysynda 99,1 myń ga esepke alynbaǵan jáne bos jerler anyqtaldy. Osylaısha, qazirgi tańda zher.gharysh.kz geoservısinde jer paıdalaný monıtorınginiń aldyn ala nátıjeleri usynyldy.
Atalǵan nátıjeler jumysta paıdalaný jáne odan ári sharalar qabyldaý úshin kórsetilgen oblys ákimdikterine joldandy»,- dedi Premer-Mınıstr.
Onyń atap ótýinshe, jer ýchaskelerin májbúrlep ıelikten shyǵarý Qazaqstan Respýblıkasy Jer kodeksiniń 92-94 baptaryna kórsetilgen sharalardan keıin júzege asyrylady. Alaıda atalǵan sharalardy moratorııge baılanysty júzege asyrý múmkin emes.
«Degenmen, paıdalanylmaı jatqan aýyl sharýashylyǵy jerlerin qaıtarý máselesi AShM-niń jáne jergilikti atqarýshy organdardyń erekshe baqylaýynda, atalǵan jerlerdi maqsaty boıynsha paıdalanýǵa qatysty jer ıelenýshilermen jáne jer paıdalanýshylarmen túsinikteme túrindegi tıisti jumystar júrgizilýde», - dedi Asqar Mamın.