Bıyl 19 myńnan astam qazaqstandyq ásker qataryna shaqyrylady

ASTANA. QazAqparat – Jyl sońyna deıin 19 myńnan asa azamat Qarýly kúshter men basqa da áskerı qurylym qataryn tolyqtyrady. Bul týraly QR Qarýly kúshteri Bas shtaby uıymdastyrý-jumyldyrý jumystary departamentiniń bastyǵy general-maıor Baýyrjan Artyqov aıtty, dep habarlaıdy QazAqparat tilshisi.

Qazirgi áskerge shaqyrýdyń ereksheligi – ashyqtyqtyń artýy. Osy sarbazdar analary komıteti ókilderi men halyqtyń áskerge shaqyrý komıssııalarynyń jumysyna qatysýy qamtamasyz etiledi. Jergilikti atqarýshy organdar, ákim orynbasarlarynyń tóraǵalyq etýimen qalalyq jáne aýdandyq áskerge shaqyrý komıssııalary jumystaryn bastap ketti. Bıyl 1 qyrkúıekten 28 jeltoqsanǵa deıin Qarýly kúshterdiń, basqa da áskerler men áskerı quralymdardyń qatary 18 ben 27 jas aralyǵyndaǵy 19 myńnan astam sarbazben tolyǵady

, - dedi B. Artyqov Ortalyq kommýnıkatsııalar qyzmetinde ótken baspasóz máslıhatynda.

Bıyl Qarýly kúshter men Memlekettik kúzet qyzmetine shaqyrylatyn jas urpaqtyń sany aldyńǵy naýqandarmen salystyrǵanda ulǵaıdy.

Áskerge shaqyrylýshylardy habardar etý jeke shaqyrý qaǵazdaryn jiberý arqyly júzege asyrylady, olar úıi men jumys ornynyń mekenjaılaryna jetkiziledi. Áskerge shaqyrýdan bosatýdy keıinge qaldyrý memlekettik qyzmet bolyp sanalady jáne azamattarǵa Elektrondy úkimet portaly arqyly usynylady. Kez kelgen adam aqparat alý úshin júginip, jaýap ala alady. Ol úshin Qorǵanys isteri jónindegi árbir departamentte «Qarýly Kúshter – adaldyq alańy» jobalyq keńseleri jumys isteıdi, elektrondyq poshta jáshikteri men áleýmettik jelilerde resmı akkaýnttar ashyldy

, - dep túsindirdi departament basshysy.