Bıyl 187 myńnan asa elordalyqqa 13 mlrd teńgeniń dári-dármegi tegin berilgen

ASTANA. QazAqparat – Bıylǵy on aıda Astanada 187 530 patsıent 13 mlrd teńgeniń tegin dári-dármegimen qamtamasyz etildi. BAQ ókilderiniń qatysýymen ótken brıfıngte «Áleýmettik medıtsınalyq saqtandyrý qory» elordadaǵy fılıalynyń dırektory Nurlybek Qabdyqaparov málimdedi, dep habarlaıdy QazAqparat tilshisi.

«1 qarashadaǵy jaǵdaıǵa sáıkes, Astana qalasy boıynsha 13 mlrd 36 mln teńge somasyna 187 530 patsıent tegin dári-dármekpen jáne medıtsınalyq buıymdarmen qamtamasyz etildi. Onyń ishinde MÁMS júıesinde dári-dármekpen qamtylǵan balalar: jiti respıratorlyq ınfektsııa, joǵarǵy tynys joldarynyń aýrýlary boıynsha – 2 107, tómengi tynys joldarynyń aýrýlary boıynsha – 6 136, temir jetispeýshiligi anemııasymen – 972, pnevmonııamen - 1 583, sınýsıtpen, badamsha bezi jáne adenoıd aýrýlarymen 444 bala bar» - dep atap ótti Nurlybek Qabdyqaparov.

Onyń aıtýynsha, keler jylǵy tegin beriletin dári-dármekter jetkizilgenge deıingi aralyqta medıtsınalyq buıymdarmen úzilissiz qamtamasyz etý úshin qazir qosymsha ótinimder resimdelýde.