Bıyl 170 jańa ónerkásiptik nysan qatarǵa qosyldy - N.Nazarbaev

ASTANA. Jeltoqsannyń  22-si. QazAqparat /Rýslan Ǵabbasov/ - Bıylǵy jyly 170 jańa ónerkásiptik nysan qatarǵa qosyldy. Bul baǵytta 3 mlrd. AQSh dollarynan astam qarjy ıgerildi. Bul týraly búgin  Aqordada Elbasy Nursultan Nazarbaev elimizdegi tirkelgen dıplomatııalyq korpýstyń ókilderimen kezdesý kezinde málim etti,

  dep habarlaıdy QazAqparat.

Jol kartasy baǵdarlamasy boıynsha aýqymdy jumystar atqarylǵanyna toqtalǵan Prezıdent, bul baǵdarlama jumys oryndaryn qurýǵa negizdelgenin eske salyp ótti. «Osy is-sharaǵa eleýli qarjy bólindi. Bıylǵy jyly bul baǵytta 400 myń jańa jumys oryndaryn qurdyq», dedi Elbasy.

«Bıylǵy jyl qıyndaý bolsa da, 170 jańa ónerkásiptik nysandy qatarǵa qostyq. Bul baǵytta 3 mlrd. AQSh dollarynan astam qarjy ıgerildi», dedi Memleket basshysy.