Bıyl 17 joǵary oqý ornyn jabý kezekte tur – mınıstr

ASTANA. QazAqparat – Ǵylym jáne joǵary bilim mınıstri Saıasat Nurbektiń málimetinshe, osyǵan deıin elimizde 30-ǵa jýyq joǵary oqý ornynyń lıtsenzııasy keri qaıtaryldy. Atalǵan baǵyttaǵy jumys jalǵasady, dep habarlaıdy QazAqparat tilshisi.

«Sapasyz bilim beretin jeke joǵary oqý oryndarynyń lıtsenzııasyn keri qaıtarý jumysyn jalǵastyryp jatyrmyz. Bul kezinde Ashat Aımaǵambetov qolǵa alǵan bastama, jumys júıeli boldy. Osyǵan deıin 30-ǵa jýyq álsiz, sapasyz, dıplomdy bızneske aınaldyrǵan joǵary oqý oryndarynyń lıtsenzııasy kúshin joıdy. Byltyr 15 JOO jabylsa, bıyl 17 joǵary oqý orny kezekte tur. ıAǵnı olar bizdiń tekserýimizde»,- dedi Saıasat Nurbek tilshi Nartaı Aralbaıulyna bergen suhbatynda.

Vedomstvo basshysynyń málimdeýinshe, JOO talapqa saı jáne sapaly jumys isteýin arnaıy komıssııa tekserip, sheshim shyǵarady.

«Bul Prezıdenttiń tikeleı tapsyrmasy, sondyqtan bul baǵyttaǵy jumys jalǵasady. Biz jeke ýnıversıtetterge bilim sapasy, oqý baǵdarlamalary, oqytýshylardyń biliktiligi boıynsha naqty kórsetkishter berip qoıdyq. Atalǵan talaptar oryndalmaǵan jaǵdaıda, biz ol oqý ornyn jazalaımyz», - deıdi mınıstr.