Bıyl 118 myń otbasyn baspanamen qamtý úshin aýqymdy qurylys bastalady
«7-20-25» baǵdarlamasyn sátti iske asyrý úshin ınjenerlik kommýnıkatsııalardyń qurylysyn qarjylandyrý 100 mlrd teńgege deıin artqan. Astana, Almaty jáne Shymkent qalalarynda jumys isteıtin jastarǵa jyl saıyn keminde 1 myń jalǵa beriletin páterdi salý boıynsha tapsyrmany oryndaý úshin qarjylandyrýdyń tetikteri men kózderi aıqyndalǵan.
Jalpy 2019 jyly 13 mln sharshy metr turǵyn úıdi salý josparlanyp otyr. Onyń arqasynda shamamen 118 myń otbasy turǵyn úımen qamtamasyz etiledi.
Barlyq qabyldanǵan sharalar nysanaly ındıkatorlardy - 2030 jylǵa deıin bir adamǵa 30 sharshy metrge deıin oryndaýǵa baǵyttalyp otyr.
Jobalaý jáne qurylys kezeńi kezinde otandyq materıaldardy qoldaný máselesi erekshe baqylaýǵa alynýda. Ótken jyldyń qorytyndysy boıynsha qurylystaǵy qazaqstandyq qamtý úlesi 77 paıyzdy quraǵan. Osyǵan baılanysty deńgeı 2017 jyly 5 paıyzǵa, onyń ishinde turǵyn úı qurylysy boıynsha 86 paıyzǵa artty.