Bıyl 117 myń sharshy metr turǵyn úı salynady - Qostanaı oblysy

QOSTANAI. QazAqparat - Bıyl Qostanaı oblysynda 117 myń sharshy metr turǵyn úı salynady. Bul týraly búgin Ortalyq kommýnıkatsııalar qyzmetiniń aımaqtyq fılıalynda oblys basshysy Arhımed Muhambetov málim etti.

«Bıyl oblysta 117 myń sharshy metr turǵyn úı salynady. Bul degenimiz - 28 jańa úı», - dedi qurylys jáne turǵyn úı máselesine toqtalǵan A.Muhambetov.

Ákim sondaı-aq áleýmettik jáne halyqty jumyspen qamtý máselelerine toqtaldy.

«Shaǵyn nesıeler úshin oblys bıýdjetinen 1,4 mlrd teńge, halyqty jumyspen qamtý úshin 418 mln teńge bólindi. Bul qarjy eń  aldymen aýyldyq jerlerge jetýi kerek», - dep toqtaldy oblys ákimi.