Bıyl 11 myńnan astam qazaqstandyq tótenshe jaǵdaı kezinde qutqaryldy

NUR-SULTAN. QazAqparat – Jyl basynan beri Qazaqstanda 11 233 adam tótenshe jaǵdaı kezinde qutqaryldy. Bul týraly QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Bıyl 11 aıdyń ishinde el kóleminde 12 myńnan astam tótenshe jaǵdaı (12 055) tirkeldi. Ótken jylmen salystyrǵanda 8 protsentke tómen. Bul kórsetkishke jekelegen qyzmet baǵyttary boıynsha aldyn alý jáne profılaktıkalyq jumystar boıynsha júrgizilip jatqan is-sharalardyń arqasynda qol jetkizildi. Bizdiń mamandar 11 233 adamdy tótenshe jaǵdaıdan qutqaryp, 12 002 adam evakýatsııalandy. Sondaı-aq, 4 myńnan astam azamatqa alǵashqy medıtsınalyq kómek kórsetti. Jyl basynan beri tótenshe jaǵdaıdan 1 736 adam zardap shegip, ókinishke qaraı 838 adam qaza tapty. Onyń ishinde órtten qaza bolǵandar sany 19%-dy quraıdy, sýda 8,3% jáne óndiristik apattan mert bolǵandar 5 esege ósip otyr», - dedi ıÝ. Ilın ortalyq kommýnıkatsııalar qyzmetinde ótken baspasóz máslıhatynda.

Sondaı-aq, mınıstr gaz ballony jarylysynan zardap shekkender týraly aıtty.

«Jyl basynan beri gaz ballony jarylysy Nur-Sultan jáne Petropavl qalalarynda boldy. Saldarynan 4 adam qaza taýyp, 15-ten astam azamat zardap shekti. Odan bólek, Aqmola oblysy Shortandy aýdanynda gaz ballony jarylysynan 6 adam mert boldy, onyń úsheýi bala. Odan bólek, Jambyl oblysyndaǵy áskerı qoımada órt shyǵyp, 17 adam qaza tapty», - deıdi ol.