Bıyl 10 myń oryndyq 35 stýdentter jataqhanasy paıdalanýǵa beriledi
«Stýdentter úshin ózekti máselelerdiń biri - jataqhana tapshylyǵy. Degenmen atalǵan másele júıeli túrde sheshimin taýyp keledi. Sońǵy 3 jylda stýdentterge 30 myń oryn berildi. Bıyl jyl sońyna deıin 10 myń oryndyq 35 jataqqana qoldanysqa berilýi tıis. Búgingi kúni 28 joǵary oqý orny stýdentterin 100% jataqhanamen qamtamasyz ete alady», - dedi QR Premer Mınıstriniń orynbasary Eraly Toǵjanov elordada ótip jatqan «Adamı kapıtal – jańa Qazaqstan damýynyń negizgi resýrsy» atty ǵylym jáne joǵary bilim forýmynda.
Degenmen Úkimet basshysynyń orynbasary jekelegen ýnıversıtetterde jataqhana orny tapshylyǵynyń baryn aıtty.
«Ál-Farabı atyndaǵy qazaq ulttyq ýnıversıtetinde – 12,5 myń, qazaq ulttyq qyzdar pedagogıkalyq ýnıversıtetinde – 4,5 myń, Abaı atyndaǵy qazaq ulttyq pedagogıkalyq ýnıversıtetinde - 4 myń, Q.Sátpaev atyndaǵy qazaq ulttyq tehnıkalyq ýnıversıtetinde – 3 myń jáne L. Gýmılev atyndaǵy Eýrazııa ulttyq ýnıversıtetinde – 6,5 myń oryn qajet», - deıdi ol.
Sondaı-aq, Premer-Mınıstrdiń orynbasary stýdentterdi jataqhanamen qamtý oqý oryndarynyń mindetine kiretindigin eske saldy.
«Ǵylym jáne joǵary bilim mınıstrligi, múddeli memlekettik organdarmen, rektorlarmen birge basqa qalalardan kelgen stýdentterdi jataqhana oryndarymen qamtamasyz etýdi jalǵastyrýy tıis. Mınıstrlikke stýdentterdi jataqhanamen qamtý boıynsha ýnıversıtetterge tekserý júrgizip, nátıjesin baıandaýdy suraımyn», - dedi E. Toǵjanov.
Buǵan deıin habarlaǵanymyzdaı elimizde bilimdi qoǵam mádenıetin qalyptastyrý tujyrymdasy ázirlenedi .
Odan bólek, Qazaqstanda halyqaralyq deńgeıdegi pedagog mamandar daıarlanatyny aıtyldy.