Bıyl 1 myńnan astam aýyl jyldamdyǵy joǵary mobıldi ınternetpen qamtylady
Bul jaıynda QR Tsıfrlyq damý, ınnovatsııa jáne aeroǵarysh ónerkásibi mınıstri Asqar Jumaǵalıev Facebook paraqshasynda jazdy, dep habarlaıdy QazAqparat tilshisi.
«Baılanys operatorlarymen ótkizgen birqatar kezdesýlerdiń nátıjesinde mańyzdy qujatqa qol qoıdyq. Turǵyn sany 250 jáne odan da kóp aýyldarǵa joǵary jyldamdyqty mobıldi ınternetti júrgizýdiń jospar-kestesin quryp, ony barlyq óńirlermen kelistik. Elimiz úshin mańyzy zor jobany operatorlar óz qarajaty esebinen iske asyrady. Bul aýyl turǵyndary sapaly mobıldi ınternetpen qatar, elektrondyq qyzmetterdi, qashyqtyqtan oqytý jáne taǵy basqaralaryn paıdalaný múmkindigine ıe bolady degen sóz. Elbasy jáne el Prezıdenti eldi mekenderdi sapaly baılanys qyzmetterimen qamtý jóninde tapsyrma berdi. Bul mindettiń «Nur Otan» partııasynyń saılaýaldy baǵdarlamasyna engenin ózderińiz bilesizder»,- dep jazdy mınıstr.
Onyń atap ótýinshe, osy jobany júzege asyrý úshin «Qazaqtelekom» AQ, «Ksell» AQ», «Mobaıl telekom-servıs» JShS jáne Kar-Tel» JShS memorandýmǵa qol qoıdy.
«Baılanys operatorlary aýyldyq eldi mekenderdi mobıldi baılanyspen jáne ınternetpen qamtamasyz etý úshin jelilerdi birlesip qurýǵa jáne jıilikterdi paıdalanýǵa ýaǵdalasty. Jaýapty mindet úshin kúsh-jiger biriktirý - óte durys sheshim dep oılaımyn. Operatorlar jobanyń kartasyn jaqyn arada jasaýǵa ýáde berdi. Kartanyń kómegimen jobanyń júzege asyrylýyn qadaǵalaı alamyz», - dedi Asqar Jumaǵalıev.