Bıyl 1,5 myń azamat áskerı jıynǵa shaqyrylady

ASTANA. QazAqparat – Qorǵanys mınıstri Rýslan Jaqsylyqov «2023 jyly áskerı mindettilerdi áskerı jıyndarǵa shaqyrý týraly» buıryqqa qol qoıdy, dep habarlaıdy QazAqparat tilshisi.

«Áskerı qyzmet jáne áskerı qyzmetshilerdiń mártebesi týraly» zańnyń 33-babynyń 1 tarmaqshasyna sáıkes buıyramyn: 2023 jyly 1 500 áskerı mindetti áskerı jıyndarǵa shaqyrylsyn», - delingen vedomstvonyń resmı saıtynda jarııalanǵan tıisti qujatta.

Buıryqtyń oryndalýyn baqylaý Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵyna júkteledi.

Qosa keteıik, buǵan deıin áskerı jıyndardan ótý úshin 150 qazaqstandyq Almaty men Túrkistan oblystaryndaǵy ulttyq qaýipsizdik komıteti shekara qyzmetiniń departamentterine shaqyrylatynyn jazyp edik.