Bıtým zaýyty iske qosylsa, «Batys Eýropa-Batys Qytaı» jobasyndaǵy qazaqstandyq qamtý 92 paıyzǵa jetedi

aýsymnyń 15-i. QazAqparat /Qanat Mámetqazyuly/ - Bıtým zaýyty iske qosylsa, «Batys Eýropa-Batys Qytaı» jobasyndaǵy qazaqstandyq qamtý 92 paıyzǵa jetedi. Búgin jýrnalısterge arnap ótkizilgen baspasóz máslıhatynda QR Kólik jáne kommýnıkatsııa mınıstri Ábilǵazy Qusaıynov osylaı málim etti,

dep habarlaıdy QazAqparat.

«Batys Eýropa-Batys Qytaı» halyqaralyq dálizi óte aýqymdy joba, oǵan jumsalatyn qarajat ta qomaqty - 825 mlrd. teńge. Joba aıasynda 50 myńnan astam adam jumysqa ornalasady, odan bólek 200 myńnan astam adam bul jobadan paıda kóredi, bıznestiń tabysy da qomaqty bola túsedi. Sonymen qatar, «Batys Eýropa-Batys Qytaı» halyqaralyq dálizine paıdalanyp otyrǵan naqty qurylys materıaldarynyń 86 paıyzy qazaqstandyq ónimdi qamtıdy. Al, ótken aptada Memleket basshysy Aqtaý qalasynda iske qosqan bıtým zaýyty aıaqtalsa, odan shyǵatyn ónim de osy jobaǵa ushtastyrylady. ıAǵnı, bul zaýyttyń arqasynda biz ózimizdiń bıtýmdy paıdalansaq, jobadaǵy qazaqstandyq qamtý 92 paıyzdy quraıtyn bolady», dedi Á. Qusaıynov.