Bıtkoın baǵasy maýsym aıynan beri alǵash ret 71 myń dollardan joǵary kóterildi

<p>ASTANA. KAZINFORM &ndash; Bıtkoın baǵasy kelesi aptada AQSh-ta ótetin saılaý qorytyndylary tóńiregindegi alypsatarlyq tusynda ósti, dep habarlaıdy <a href="https://economictimes.indiatimes.com/markets/cryptocurrency/bitcoin-prices-surge-past-71000-amid-speculation-around-us-election/articleshow/114715494.cms?from=mdr" target="_blank" rel="noopener">The Economic Times.</a></p>

Tsıfrlyq valıýta 2%-dan astamǵa ósip, 71 310 dollarǵa jetti, al Ether jáne Dogecoin sııaqty basqa krıptovalıýtalar da shamamen 4% ósim kórsetti.

Bıtkoındi jıi Donald Tramppen baılanystyrady, óıtkeni ol tsıfrlyq aktıvterdi qoldaıtynyn ashyq aıtyp, tipti AQSh-ty planetanyń krıptovalıýtalyq astanasyna aınaldyrýǵa ýáde berdi. Al onyń básekelesi Kamala Harrıs tsıfrlyq aktıvter úshin normatıvtik baza qurýǵa shaqyrdy.

Qazirgi ýaqytta Tramp boljamdyq naryqtarda kósh bastap otyr, al saýalnamalar Demokratııalyq partııa atynan kandıdat vıtse-prezıdent Kamala Harrıske jaqyn básekeni kórsetedi. 5 qarashadaǵy saılaý kúni qubylmalylyq joǵary bolady dep kútilip otyr.

Biz buǵan deıin Donald Tramptyń krıptovalıýta ındýstrııasynan qoldaý suraǵanyn jazǵan bolatynbyz. Bul rette ol buryn bıtkoındi alaıaqtyq dep ataǵan.

Osyǵan deıin Almaty turǵynynyń 67 mln teńgeniń krıptovalıýtasyn alaıaqqa berip jibergeni týraly jazdyq.