Bıtkoın baǵasy 44 myń dollarǵa deıin kóterildi

<p>Seısenbi kúni álemdegi eń iri krıptovalıýta Bitcoin baǵasy 44 083 dollarǵa kóterilip, sońǵy bir jarym jyldaǵy eń joǵary deńgeıge jetti. Kazinform agenttigi bul týraly <a href="https://www.reuters.com/technology/bitcoin-rises-5-44083-2023-12-05/" target="_blank" rel="noopener">Reuters</a>-ke silteme jasap habarlaıdy.</p>

FTX quldyrap, krıpto bıznesindegi basqa sátsizdikterden keıin ótken jyldyń qazan aıynda Bitcoin baǵasy qarqyndy kóterile bastady. Buǵan AQSh-ta paıyzdyq mólsherlemelerdiń  tómendeıtini týraly boljam jáne ETF spot bırjalyq qordy maquldaý týraly jańalyqtar negiz bolǵan.

Bıtkoın baǵasynyń ósýine oraı basqa krıptovalıýtamen baılanysty kompanııalardyń, sondaı-aq bırjalyq saýda qorlarynyń (ETF) aktsııalary ósti.

«Bıtkoınniń «keremet ósimin» faktorlar jıyntyǵymen túsindirýge bolady», - dep habarlady Deribit kommertsııalyq dırektory Lıýk Straıers.

Ol AQSh-tyń Baǵaly qaǵazdar jáne bırjalar jónindegi komıssııasy (SEC) jaqyn arada mıllıondaǵan ınvestorlar úshin Bitcoin naryǵyn ashatyn spot bırjalyq qoryn ETF maquldaýy múmkin degen optımıstik boljam aıtty. Ol sondaı-aq ortalyq bankterdiń táýekeldi aktıvterdi tartymdy ete otyryp, mólsherlemelerdi tómendetýge kirisýine ákeletin ınflıatsııanyń tómendeýin atap ótti.

Táýekel ınvestıtsııalary jáne altyn sııaqty paıyzdyq mólsherlemege sezimtal basqa aktıvter de sońǵy aptalarda ósti. Buǵan naryqtardyń AQSh Federaldy qor júıesi mólsherlemesiniń kóterilýin aıaqtap, 2024 jyldyń basynda qysqarta bastaıdy degen boljam negiz boldy.

«Investorlar SEC ótinish berý merzimderi men SEC túsiniktemelerine negizdelgen Spot bitcoin ETF cpot bırjalyq qorlaryn qańtar aıynda bekite alatynyna senimdi», - dep jazdy zertteýshi Matteo Greko.

Investorlar sondaı-aq álemdegi eń iri krıptovalıýta bırjasy jáne krıptovalıýta naryǵyndaǵy negizgi oıynshy Binance-ke qatysty AQSh-tyń kópjyldyq qylmystyq tergeýdiń aıaqtalýyn quptady.