Bıshimbaevtiń isi: Petıtsııaǵa 150 myńǵa jýyq qazaqstandyq qol qoıdy

<p>Bas prokýror Berik Asylov eks-sheneýnik, áıelin óltirdi degen kúdikpen ustalǵan Qýandyq Bıshimbaevtiń isine qatysty pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Jýyqta azamatsha S.Núkenovanyń Astana qalasynda kisi qolynan kóz jumýy ınternet keńistikti dúr silkindirdi. Otbasyndaǵy jáne turmystyq zorlyq-zombylyqtan qorǵaý týraly petıtsııaǵa 150 myńǵa jýyq qazaqstandyq qol qoıdy. Bul baǵytta jumys jalǵasa beredi», – dedi Berik Asylov vedomstvonyń zańdylyqty saqtaý jónindegi úılestirý keńesiniń jıynynda.

Sondaı-aq B.Asylov turmystyq zorlyq-zombylyqtan memleketke keler qaýip qandaı ekenin aıtty.

«Otbasyndaǵy keleńsizdikter, zorlyq-zombylyq faktileri memleketimizdiń alǵa damýyna keri áserin tıgizedi. Sondyqtan prezıdentimiz aıtqandaı, mundaı zań buzý áreketterimen tutas qoǵam bolyp kúresý qajet», – dedi Bas prokýror.

Aıta keteıik, QR Prezıdentine otbasylyq-turmystyq zorlyq-zombylyqtan qorǵaý boıynsha qylmystyq jáne ákimshilik zańnamany reformalaý jónindegi petıtsııaǵa qol qoıǵandar sany 15 qarashada 59 myńnan astam adamdy quraǵan bolatyn. Ashyq úndeý eotinish.kz portalyna jarııalandy.

Eske salaıyq, bıylǵy 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy.

Keıin Іshki ister mınıstrligi Qýandyq Bıshimbaevtyń ustalǵanyn rastady.

Elorda Polıtsııa departamenti QR Qylmystyq kodeksiniń 99-baby 1-bóligi boıynsha tergeý amaldaryn bastady.

11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bıshimbaevti 2 aıǵa qamaýǵa alý boıynsha bultartpaý sharasyn sanktsııalady.

12 qarashada kisi ólimi bolǵan «Gastro-Ortalyq» meıramhanasynyń dırektory ustaldy.

15 qarasha ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.