Bıshimbaevtyń soty aıaqtalýǵa jaqyn: Sot alqa bılerge suraqtar daıyndaýǵa kiristi
12:12, 10 Mamyr 2024
<p>ASTANA. KAZINFORM – Qýandyq Bıshimbaev pen Baqytjan Baıjanovtyń isi boıynsha sot protsesi 13 mamyrda jalǵasatyn boldy. Oǵan deıin erejege sáıkes, taraptar alqa bılerge saýaldaryn daıyndap úlgerýge tıis.</p>
– Taraptar alqa bılerge qoıylatyn, sottyń sheshýine jatatyn suraqtardy talqylaıdy.
Alqa bıler máselelerdi talqylaý jáne qalyptastyrý úshin keńesý bólmesinde bolýy kerek. Sondyqtan da alqa bılerden zaldan shyǵyp, translıatsııany toqtatýdy, sondaı-aq BAQ ókilderinen zaldan shyǵýdy suraımyn, - dedi sýdıa Aıjan Qulbaeva búgingi sot otyrysynda.
Aıta keteıik, suraqtar alqa bılerdiń, BAQ-tyń qatysýynsyz jáne translıatsııasyz ázirlenedi.
Esterińizge salsaq, buǵan deıin Astana qalasynyń qylmystyq ister jónindegi mamandandyrylǵan aýdanaralyq sotynda ótip jatqan sot protsesinde búgin eki aıyptalýshy – Qýandyq Bıshimbaev pen Baqytjan Baıjanov sońǵy sózin aıtqan bolatyn.