Bıshimbaevtyń isindegi sot-medıtsınalyq sarapshy áskerde jansaqtaý bólimine túsken sarbazdyń isine tartyldy

<p>ASTANA. KAZINFORM &ndash; Jambyl oblysy Qordaı aýdany Otar aýylyndaǵy №30212 áskerı bólimine áskerı boryshyn óteýge kelgen 19 jastaǵy Nurjigit Ábdilpatta ant qabyldaýǵa úlgermeı, jansaqtaý bóliminen bir-aq shyqqan edi.</p>

Aýrýhanada eki aıdaı jatyp, esin ázer jıǵan sarbaz jýyrda týǵan jeri Qostanaıǵa oraldy.

Kýáger qatardaǵy jaýyngerlerdiń aıtýynsha, sapqa turý kezinde Nurjigitke serjant qol kótergen. Keıin bul oqıǵaǵa qatysty tergeý amaldary aıaqtalyp, memlekettik saraptama jasalǵan bolatyn. Qazir jábirlenýshiler sot-medıtsınalyq saraptamanyń qorytyndysyn kútip otyr. Keıin is áskerı sotta qaralmaq.

Nurjigit Ábdilpattanyń ata-anasy sot protsesine sot-medıtsınalyq sarapshysy Tahır Halımnazarov qatysatynyn aıtty. Qýandyq Bıshimbaevtyń isi boıynsha Saltanat Núkenovanyń jaraqattaný sebepteri týraly qorytyndy jasaǵan ol Tahır Halımnazarov Nurjigitke qatysty jaǵdaıǵa beıjaı qaramaı, bul iske qatysýǵa kelisken.

Aıta keteıik, Jambyl oblysynda komaǵa túsken qostanaılyq sarbaz esin jıǵanyn jazǵan bolatynbyz.

Esterińizge salsaq, «Ońtústik» óńirlik qolbasshylyǵynyń sarbazy Qordaı ortalyq aýdandyq aýrýhanasynyń jansaqtaý bólimine túskenin jazǵan edik.