Bıshimbaev isine qatysty tergeý amaldary jaqynda aıaqtalady – mınıstr

<p>Elordadaǵy &laquo;Gastro-ortalyqta&raquo; qylmys jasalǵan kúni beınekamera jazbasyn óshirgender anyqtaldy. Bul týraly Іshki ister mınıstri Erjan Sádenov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Bıshimbaev isi boıynsha tergeý amaldary jalǵasyp jatyr. Astanadaǵy «Gastro-ortalyq» dırektory, ıaǵnı ekinshi kúdikti onyń týysy ekenin rastaımyz. Qazir tergeýge qatysty eshqandaı problema joq. Jaqyn arada tergeý amaldaryn aıaqtaımyz», - dedi E. Sádenov Senattyń jalpy otyrysynan keıin tilshiler suraǵyna. 

Sonymen qatar ol gastro-ortalyqta qylmys jasalǵan kúni beınekamera jazbasyn óshirgender anyqtalǵanyn aıtty.

«Qylmystyq protsess aıasynda olardyń statýsy naqtylandy. Óshirilgen búkil beınejazba qalpyna keltirildi. Kináli adamdar men kýágerler anyqtaldy. Tergeý aıaqtalǵannan keıin beınejazbany óshirgen adamdardyń báriniń aty-jónin jarııalaımyz», - dedi mınıstr.

Eske salaıyq, bıylǵy 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy. 

Keıin Іshki ister mınıstrligi Qýandyq Bıshimbaevtyń ustalǵanyn rastady.

Elorda polıtsııa departamenti QR Qylmystyq kodeksiniń 99-baby 1-bóligi boıynsha tergeý amaldaryn bastady. 

11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bıshimbaevti 2 aıǵa qamaýǵa alý sharasyn sanktsııalady. 

12 qarashada kisi ólimi bolǵan «Gastro-Ortalyq» meıramhanasynyń dırektory ustaldy. 

15 qarashada ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.