Bıshimbaev isi: «Gastro-ortalyq» dırektory qamaýǵa alyndy

<p>Burynǵy mınıstr Qýandyq Bıshimbaev isi boıynsha kisi ólimi tirkelgen &laquo;Gastro-Ortalyq&raquo; meıramhanasynyń dırektory ustaldy, dep habarlaıdy <a href="https://kaz.inform.kz/news/batis-kazakstanda-olimpiadalik-sport-turlerne-kanshalikti-konl-bolnp-otir-8ab2b2/Kazinform." target="_blank" rel="noopener">Kazinform.</a></p>

Kúdikti ýaqytsha tergeý ızolıatoryna qamaldy.

Ol qylmysty jasyryp, der kezinde polıtsııaǵa habarlamaǵany úshin aıyptalýy múmkin.

— Qalalyq polıtsııa departamenti elorda meıramhanalarynyń birinde QR QK 99-baby (Kisi óltirý) boıynsha áıeldi óltirý isine qatysty tergeýdi jalǵastyrýda. Qylmys jasady degen kúdikti Astana qalasynyń tergeý sotymen qamaýǵa alyndy. Qazirgi ýaqytta tergeý organdary oqıǵanyń barlyq mán-jaılaryn jáne naqty adamdardyń kinásin anyqtaýǵa baǵyttalǵan qajetti is-sharalardyń barlyq keshenin oryndaýda. QR Qylmystyq Kodeksiniń 432-babyna sáıkes, qylmysty jasyrǵany úshin «Gastro-ortalyq» dırektory tergeý ızolıatoryna qamaldy. Taǵy da Qylmystyq Kodekstiń 434-baby boıynsha qylmystyń bolyp jatqany týraly aqparat bermegeni úshin jáne 119-babynyń 3-tarmaǵyna sáıkes, zardap shegýshini qaýipti jaǵdaıda qaldyrǵany úshin qylmystyq is qozǵaldy. Іs Astana qalasy Polıtsııa departamenti Tergeý basqarmasynyń jáne Іshki ister mınıstrliginiń baqylaýynda bolady, — dedi qalalyq polıtsııa departamentiniń bastyǵy Marat Tólebaev.

Sondaı-aq vedomstvo jalǵan aqparat taratqandar qylmystyq jaýapqa tartylatynyn eske saldy.  

Aıta keteıik, Qýandyq Bıshimbaev eki aıǵa qamaýǵa alynǵanyn jazǵan bolatynbyz.