Bıshimbaev isi boıynsha saraptama jumystary qashan aıaqtalady

<p>QR Ádilet mınıstri Azamat Esqaraev atyshýly Qýandyq Bıshimbaev isi jóninde tilshiler suraǵyna jaýap berdi, dep habarlaıdy Kazinform.&nbsp;</p>

Úkimet úıinde ótken brıfıngte tilshiler mınıstrden Q. Bıshimbaev isi boıynsha saraptama jumystary qashan aıaqtalatynyn surady.

«Bul is boıynsha 12 saraptama taǵaıyndaldy. Bizge Іshki ister mınıstrliginen tıisti tapsyrmalar keldi. Biz qazirdiń ózinde quqyq qorǵaý organdaryna 11 saraptama qorytyndysyn jiberdik. Jaqynda taǵy 12-shi saraptama kelip tústi jáne bizdiń sot saraptamasy ortalyǵy tıisti jumys júrgizip jatyr. Men birden aıtamyn, zańnamaǵa sáıkes saraptama 30 kúnge deıin júrgizilýi múmkin. Bul jumysty aıaqtaǵan soń belgilengen tártippen Іshki ister mınıstrligine jiberemiz», - dep jaýap berdi Azamat Esqaraev.

Sonymen birge, mınıstrge Qýandyq Bıshimbaev ómir boıyna qamalýy múmkin be degen suraq qoıyldy.

«Men zańger retinde qoldanystaǵy zańnamany qurmetteımin, sondyqtan eshqandaı pikir nemese baǵa bere almaımyn. Bul másele boıynsha tıisti quqyq qorǵaý organdary bar, solarǵa júginýge keńes beremin. Basqa eshteńe aıta almaımyn», - dedi Ádilet mınıstri.

Eske salaıyq, bıylǵy 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy.

Keıin Іshki ister mınıstrligi Qýandyq Bıshimbaevtyń ustalǵanyn rastady.

Elorda polıtsııa departamenti QR Qylmystyq kodeksiniń 99-baby 1-bóligi boıynsha tergeý amaldaryn bastady.

11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bıshimbaevti 2 aıǵa qamaýǵa alý sharasyn sanktsııalady.

12 qarashada kisi ólimi bolǵan «Gastro-Ortalyq» meıramhanasynyń dırektory ustaldy.

15 qarashada ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.