Bıshimbaev pen Baıjanovtyń apellıatsııalyq shaǵymy 26 maýsymda qaralady
«2024 jylǵy 10 maýsymda Qýandyq Bıshimbaev pen Baqytjan Baıjanovqa qatysty qylmystyq is Astana qalalyq sotyna kelip tústi. Sýdıanyń osy jyldyń 11 maýsymdaǵy qaýlysymen atalǵan isti qaraý 2024 jylǵy 26 maýsym saǵat 10.00-ge belgilendi. Sot otyrysy Astana qalalyq sotynyń ǵımaratynda Astana qalasy, Álıev kóshesi, 6, V blogy mekenjaıynda ótedi», — dep atap ótti qalalyq sottan.
Aıta keteıik, 13 mamyrda Astana qalasynyń qylmystyq ister jónindegi mamandandyrylǵan aýdanaralyq sotymen Q.Bıshimbaev pen B.Baıjanovqa úkim shyqty.
Úkim jarııa etilgennen keıin sottalǵandar men olardyń qorǵaýshylary zańmen belgilengen merzimde úkimge apellıatsııalyq shaǵym jasady.
Olar apellıatsııalyq shaǵymynda B.Baıjanovty is-áreketinde qylmys quramynyń bolmaýyna baılanysty aqtaýdy, úkimniń Q.Bıshimbaevqa qatysty QK 99-baby 2-bóliginiń 5-tarmaǵy boıynsha aıyptaý bóligin ózgertip, onyń is-áreketin ózgertilgen biliktilikke sáıkes jazany tómendete otyryp, QK 106-babynyń 3-bóligine qaıta saralaýdy, sondaı-aq isti qaıta qaraýǵa jibere otyryp, sot úkiminiń kúshin joıýdy suraǵan.