Bıshimbaev pen Baıjanovqa qatysty apellıatsııalyq satydaǵy sot otyrysy tikeleı efırde ótetin boldy
«QR Joǵarǵy soty respýblıka sottarynyń otyrystaryn tikeleı efırde ótkizý tájirıbesin jalǵastyryp jatyr. Q.Bıshimbaev pen B.Baıjanovqa qatysty qylmystyq is apellıatsııalyq satyǵa tústi», - delingen habarlamada.
Sýdıanyń osy jyldyń 11 maýsymdaǵy qaýlysymen isti qaraý 2024 jylǵy 26 maýsymǵa, saǵat 10.00-ge belgilendi.
Joǵarǵy Sot qoǵamnyń sot protsesine qyzyǵýshylyǵynyń artqanyn eskere otyryp, apellıatsııalyq satydaǵy sot otyrystarynyń onlaın-translıatsııasyn jalǵastyrý týraly sheshim qabyldandy. Sot otyrystary tikeleı efırde ótedi.
Bul sot protsesiniń barysy týraly barlyq aqparat Joǵarǵy Sottyń áleýmettik jelilerdegi resmı akkaýnttarynda jedel jarııalanady.
Aıta keteıik, Qýandyq Bıshimbaev 24 jylǵa sottaldy.
Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy.
Sondaı-aq, eks-sheneýniktiń merziminen buryn bosap shyǵýy múmkin be, degen taqyrypta sholý jasaǵan edik.
Odan bólek, Q. Bıshimbaevtyń merziminen buryn bosap shyǵýyna kimderdiń kelisimi kerek ekendigine qatysty Ádilet vıtse-mınıstri Botagóz Jaqselekovanyń pikirin bildik.
Qýandyq Bıshimbaevtyń isi apellıatsııalyq sotqa jiberildi.