Bishkektiń burynǵy merine jańa aıyp taǵyldy

BІShKEK. QazAqparat - Bishkek qalasynyń eks-meri Albek Ibraımovke jańa aıyp taǵyldy, dep habarlaıdy Kabar agenttigi Qyrǵyz Respýblıkasy Memlekettik ulttyq qaýipsizdik komıtetiniń baspasóz qyzmetine silteme jasap.

2018 jylǵy 21 shildede QR MUQK Bas tergeý basqarmasy zańsyz jer ýchaskelerin bólý kezinde jemqorlyq jasaý deregine qatysty qylmystyq isti tergep-tekserý aıasynda Bishkektiń burynǵy meri A. Ibraımovke QR QK-niń 303-baby 1-bóliginde («Jemqorlyq») qarastyrylǵan qylmysty jasady dep aıyp taqty.

Tergeý barysynda A. Ibraımovtyń qyzmetin asyra paıdalanyp, Bishkek merııasynyń ózge laýazymdy tulǵalarymen birlesip Bishkektiń ońtústik aýmaǵynda ornalasqan mýnıtsıpaldyq jer ýchaskelerin zańsyz bólý boıynsha qylmystyq jospar jasaǵany belgili boldy.

Eske salaıyq, A. Ibraımov 19 shildede kúdikti retinde ustalyp, QR MUQK Bas tergeý basqarmasyna jetkizilgen bolatyn.

MUQK Bas tergeý basqarmasy birqatar qylmystyq isterdi tergep jatyr. Tergeý barysynda A. Ibraımovtyń olarǵa qatysy bary jóninde naqty málimetter anyqtalǵan. Onyń ishinde, Bishkektiń burynǵy merine qatysty QR QK 171-shi baby 4-shi bóliginiń 1,2-shi tarmaqtarynda qarastyrylǵan qylmystardyń belgileri boıynsha qozǵalǵan qylmystyq is boıynsha derekter belgili bolǵan. ıAǵnı arnaıy buıymdardy joǵary baǵamen satyp alyp, «Dastan TUK» AAQ múligin talan tarajǵa salyp, ıemdengen.

Qazirgi tańda A. Ibraımov QR MUQK tergeý ızolıatoryna jiberildi. Áli de tergeý amaldary júrgizilip jatyr.