Bishkektegi qazaqstandyqtar prezıdent saılaýyna 100 paıyz qatysty

BІShKEK. QazAqparat - Qazaqstannyń Bishkek qalasyndaǵy dıplomatııalyq ókildigi janyndaǵy saılaý ýchaskesinde jergilikti ýaqytpen saǵat 17:00-degi jaǵdaı boıynsha 162 qazaqstandyq daýys berip, saılaýǵa qatysý 100 paıyzdy qurady, dep habarlaıdy QazAqparat tilshisi Qazaqstannyń Qyrǵyzstandaǵy Elshiligine silteme jasap.

Ýchaskelik komıssııa ókilderi atap ótkendeı, Qazaqstan azamattary saılaý ýchaskesine tańerteńnen beri kele bastady.

Qazaqstannyń Qyrǵyzstandaǵy Elshiligindegi saılaýshylar tizimine 160 adam tirkelgen.

Bul rette daýys bergen azamattardyń arasynda negizgi saılaýshylardyń negizgi tizimine ilikpeı qalǵan qandastarymyz da kóptep tirkeldi.

Alǵashqylardyń qatarynda sol kúni Bishkekte oqý-jattyǵý jıynynda júrgen jas sportshylar da boldy.

Sondaı-aq, osy elde turaqty jáne ýaqytsha qyzmettik, týrıstik jáne jeke maqsatta júrgen azamattar, stýdentter de saılaýǵa belsendilik tanytty.

Qazaqstan Respýblıkasynyń Bishkek qalasyndaǵy Elshiliginiń qyzmetkerleri saılaýdyń ashyqtyǵy men jarııalylyǵyn, saılaý ýchaskesiniń úzdiksiz jumys isteýin, sondaı-aq Qazaqstan azamattarynyń qaýipsizdigin qamtamasyz etýge bar kúsh-jigerin saldy.

Qyrǵyzstandaǵy Qazaqstan prezıdentiniń kezekten tys saılaýyn TMD Parlamentaralyq Assambleıasy men UQShU halyqaralyq baıqaýshylary baqylap otyr.