Bishkekte tolassyz jaýǵan qalyń qar qala turǵyndaryn ábigerge salýda (FOTO)
20:53, 07 Jeltoqsan 2014
BІShKEK. QazAqparat - Qyrǵyzstan astanasynda jaýǵan qalyń qar, kóktaıǵaq pen uıytqyp soqqan boran jurtshylyqty ábigerge salýda.
Ázirge jaǵdaı búgin demalys bolǵandyqtan, joldarda kólik qozǵalysynyń az bolýy sebepti qıyndamaı tur. Alaıda erteń, dúısenbi kúni qalalyqtar jumysqa shyqqanda joldardy tazartýy tıis kommýnaldyq qyzmetterdiń jumysshylary men qar tazartý tehnıkasynyń bolmaýy shahardaǵy qozǵalysqa kedergi keltirýi múmkin. Qazirgi ýaqytta jaýǵan qardyń qalyńdyǵy shamamen 20-25 sm. Aýa raıyn boljaýshy mamandardyń málimetterinshe, qalada qar áli eki kún boıy jaýmaq.