Bishkekte qys ortasynda jylý júıesi isten shyqty

ASTANA. QazAqparat - Qyrǵyzstannyń Premer-mınıstri Sapar Isaqov pen Bishkektegi jylý tasymaldaý júıesin qalpyna keltirý boıynsha jedel shtab jetekshisi Asqarbek Shadıev júrgizip jatqan jumystardy tekserdi, dep habarlaıdy «QazAqparat» HAA Kabar agenttigine silteme jasap.

Ulttyq energoholdıngtiń basqarma tóraǵasy Aıbek Qalıev Qyrǵyzstan Úkimet basshysyna JEO jumystary jaıly esep berdi.

Onyń aıtýynsha, qazir stansada qalpyna keltirý júrgizilýde. JEO-ǵa  qosymsha jylý agregaty qosylǵan. Aldaǵy táýlikterdiń ishinde «Bishkekjylýjúıesi» mekemesiniń barlyq abonentteri birtindep qalypty temperatýraǵa orala bastaıdy.

Premer-mınıstr Sapar Isaqov 27 qańtar kúni  JEO-ny aralap kórip, jaǵdaımen tanysty. Aıbek Qalıevtiń aıtýynsha, apatqa sebep agregattardyń eskirýi. Qytaıdan ákelingen jańa qurylǵynyń arqasynda JEO- tolyqtaı isten shyǵýdan aman qalǵan.

Premer-mınıstr jaýapty oryndarǵa naqty tapsyrmalar berdi. «Qystyń eń sýyq kúnderinde jylý ortalyǵynyń isten shyǵýyna kináli adamdar jaýapkershilikke tartylady», - dedi ol. Sonymen qatar, Sapar Isaqov jylytý beketterin uıymdastyryp, muqtaj adamdardy qajetti zattarmen qamtamasyz etý jóninde tapsyrma berdi.