Bishkekte halyqaralyq konferentsııa ótti

ASTANA. QazAqparat - Búgin Bishkekte «Manastan» Shyńǵys Aıtmatovqa deıin: kózqarastar men problemalar» atty halyqaralyq ǵylymı-tájirıbelik konferentsııa bastaldy, dep habarlaıdy Túrki akademııasynyń baspasóz qyzmeti.

Qyrǵyzstannyń Ulttyq Ǵylym akademııasynda bastalǵan bul konferentsııa Qyrǵyz Respýblıkasynyń memlekettik syılyq laýreaty, akademık, Qyrǵyzstan UǴA-nyń vıtse-prezıdenti Abdyldajan Ahmatalıevtiń 60 jyldyǵyna oraılastyrylǵan.

Jıynnyń ashylý saltanatynda Qyrǵyz UǴA prezıdenti A.Erkebaev, Qyrǵyzstan Prezıdenti apparaty Úkimeti ókilderi, Jogorký Kenesh depýtattary men Túrki akademııasy halyqaralyq akademııasynyń prezıdenti D.Qydyráli sóz sóılep, mereıtoı ıesine quttyqtaýlaryn jetkizdi.

«Manas», folklor jáne aqyndar poezııasy», «Ádebı baılanystardyń problemalary» jáne «Tildiń, tarıhtyń, fılosofııanyń pedagogıka men jýrnalıstıkanyń problemalary» taqyrybyndaǵy sektsııalarǵa bólingen halyqaralyq konferentsııa jumysyna Qazaqstan, Qyrǵyzstan, Túrkııa, Ońtústik Koreıa, Japonııa men Reseıden kelgen ǵalymdar qatysýda.