Bishkekte dúleı apat qaýpin tómendetý boıynsha QR tájirıbesi tanystyryldy

ASTANA. QazAqparat - Bishkek qalasynda Ortalyq Azııa jáne Ońtústik Kavkaz elderindegi balalar arasyndaǵy dúleı apat qaýip-qaterlerin azaıtý salasyndaǵy bilimdi basqarý boıynsha 4-shi semınar ótti. Onda Qazaqstannyń dúleı apat qaterlerin azaıtý tájirıbesi usynyldy, dep habarlaıdy QazAqparat.

QR ІІM Tótenshe jaǵdaılar komıtetiniń ókili Rýslan Imanqulov halyqqa Komıtet jumysy men TJ kezindegi is-qımyl qaǵıdalaryn oqytý boıynsha aýmaqtyq bólimsheler týraly áńgimeledi.

Ol BAQ arqyly halyqqa TJ kezindegi is-qımyl qaǵıdalaryn oqytý mehanızmin qurýdy usyndy. Odan bólek, ata-analarmen júıeli túrde jumys jasaý kerektigine basa nazar aýdardy. Sebebi ata-ananyń salǵyrttyǵynan kóp jaǵdaıda balalar zardap shegedi. Sonymen birge, osyndaı sharalarda jınalǵan bar málimetterdi Almaty qalasy Tótenshe jaǵdaılar jáne tabıǵı apattardyń qaýip-qaterlerin azaıtý ortalyǵynyń saıtyna ornalastyrý týraly usynys jasaldy.

Sondaı-aq «ZÝBR» konsaltıng-ortalyǵynyń ókili ıÝlııa Natarova, Pedagogtardyń biliktiligin arttyrý ınstıtýtynyń ókili Lıýbov Dorojkına, Ulttyq bilim berý akademııasynyń ókili Almagúl Muhamedhanova men  Qurylys ulttyq ınstıtýtynyń ókili Nurahmet Mákish baıandamalar jasady.

Qazaqstandyq ókilderdiń baıandamalary men usynystary ózge elderden kelgen delegatsııanyń qyzyǵýshylyǵyn týdyrdy.