Bishkekte «Abaı aqynǵa myń taǵzym» kontserti ótti

NUR-SULTAN. QazAqparat – Bishkekte Abdylas Maldybaev atyndaǵy Qyrǵyz ulttyq akademııalyq opera jáne balet teatrynda qazaq jazba ádebıetiniń negizin qalaǵan uly aqyn Abaıdyń 175 jyldyǵyna arnalǵan «Abaı aqynǵa myń taǵzym» kontserti ótti, dep habarlaıdy QazAqparat Mádenıet jáne sport mınıstrligine silteme jasap.

Saltanatty sharaǵa QR Mádenıet jáne sport mınıstri Aqtoty Raıymqulova, Qyrǵyz Respýblıkasy Prezıdentiniń Іs basqarýshysy Súıinbek Qasmambetov, Qyrǵyzstannyń Mádenıet, aqparat, sport jáne jastar saıasaty mınıstri Qaırat Imanalıev, TÚRKSOI uıymynyń Bas hatshysy Dúısen Qaseıinov, Ózbekstan Mádenıet mınıstriniń orynbasary Alımjon Mırzaev jáne basqa da elshilik ókilderi men qoǵam qaıratkerleri qatysty.

Súıinbek Qasmambetov Qyrǵyz Respýblıkasynyń Prezıdenti Sadyr Japarovtyń hakim Abaıdyń 175 jyldyǵyna arnalǵan quttyqtaý hatyn oqyp berip, Aqtoty Raıymqulovaǵa tabystady. Al Qaırat Imanalıev uly aǵartýshy, qoǵam qaıratkeriniń ómir jolyna toqtalyp, Abaı shyǵarmashylyǵy Qyrǵyzstanda da tanymal ekenin, kúni búginge deıin qyrǵyz sahnasynda jyrlary oqylatynyn jetkizdi.

Óz kezeginde Aqtoty Raıymqulova Abaıdyń 175 jyldyǵyna arnalǵan is-sharaǵa qatysýshylarǵa alǵys aıtty.

Aıta keteıik, kontsertke Qazaqstan, Qyrǵyzstan, Ózbekstan, Túrkimenstan men Túrkııa ónerpazdary qatysty.