Bishkek JEO-syndaǵy apat: Jalal-abad qalasynyń meri ustaldy

ASTANA. QazAqparat - Bishkektiń jylý-elektr ortalyǵyndaǵy apatqa baılanysty «Elektr stansalary» AAQ burynǵy bas dırektory men onyń orynbasary ustaldy, dep habarlaıdy QazAqparat Kabar agenttigine silteme jasap.

«2018 jyldyń 17 sáýirinde Bishkek qalasynda JEO-daǵy apat faktisi boıynsha qozǵalǵan qylmystyq is aıasynda kúdikti retinde «Elektr stansalary» AAQ burynǵy bas dırektory, qazirgi Jalal-Abad qalasynyń meri S.Avazov pen «Elektr stansalary» AAQ bas dırektorynyń burynǵy orynbasary J.Nazarov ustaldy», - delingen Qyrǵyzstan Memlekettik ulttyq qaýipsizdik qyzmetiniń baspasóz qyzmeti taratqan habarlamada.

Qazirgi tańda ustalǵandar ýaqytsha ustaý oqshaýlaǵyshyna qamaldy. Tergeý júrip jatyr.

Eske sala ketsek, qańtar aıynyń sońyna qaraı Bishkektiń jylý ortalyǵy isten shyqqan edi. Qaladaǵy jylý jelisi qatyp qalmaýy úshin JEO-ǵa qosymsha jylý agregaty qosylǵan. «Bishkekjylýjúıesi» mekemesiniń abonentteri birneshe kúnnen keıin ǵana qalypty temperatýraǵa oraldy. 

Foto: yugopolis.ru