Bishkek mańynda arnaıy operatsııa kezinde qarýly terrorıstiń kózi joıyldy

BІShKEK. Kabar – QazAqparat – Qyrǵyz Respýblıkasynyń Shý oblysy Dmıtrıevka aýylynda bolǵan ІІM men UQK arnaıy operatsııasy barysynda qarýly lańkes óltirildi, dep málimdedi Qyrǵyz Respýblıkasynyń Іshki ister mınıstrligi. Bul týraly QazAqparat Kabar agenttigine silteme jasap habarlaıdy.

BAQ-tyń kýágerlerge silteme jasap habarlaýynsha, aýylda atystyń daýsy estiledi. Kúdiktilerdi ustap jatyr degen boljam bar.

Keıinnen vedomstvo ІІM men UQK arnaıy bóliminiń qyzmetkerleri lańkesti qolǵa túsirý úshin arnaıy operatsııa júrgizgenin habarlady.

Ol ustaý kezinde qarýmen qarsylyq kórsetti. Operatsııa barysynda onyń kózi joıyldy.

Sonymen qatar eki kúshtik qurylym qyzmetkeri jaralandy. Mekeme aqparatynsha, olardyń biri emhanaǵa kelip emdeletin bolsa, ekinshisin ulttyq gospıtalge jatqyzady.

Oqıǵa ornynda ІІM men UQK basshylary júr. Qazirgi ýaqytta ІІM jedel-tergeý toby jumys istep jatyr.

4 jedel járdem brıgadasy kezekshilikte tur.