Birjan Nurymbetov elimizdiń zeınetaqy júıesindegi problemalardy atady

NUR-SULTAN. QazAqparat – Elimizde 100 myń kásiporyn jumysshylaryna zeınetaqy jarnasyn aýdarmaı otyr. Bul týraly búgin Úkimet úıindegi baspasóz máslıhatynda QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Qazir bizde jınaqtaýshy zeınetaqy qorynda azamattardyń 10,4 trln teńge jınaǵy bar. 9,9 mln zeınetaqy esepshoty ashylǵan. Biraq, ókinishke oraı jarnalardyń jınalý mólsherine atasaq, azamattardyń 53 paıyzynyń jınaqtaǵan jarnasynyń kólemi 500 myń teńge bolsa, 16 paıyzynda 500 myńnan 1 mln teńgege deıin, 15 paıyzynda 1 mln-nan 2 mln teńge deıin ǵana. ıAǵnı, jınaqtaýshylardyń 84 paıyzynda ǵana 2 mln teńgege deıin zeınetaqy jınaq bar», - dedi mınıstr.

Onyń aıtýynsha, osyny eskergen el Úkimeti jınaqtaýshy zeınetaqy júıesin jetildirýge usynys jasaǵan. Jalpy elimizdiń jınaqtaýshy zeınetaqy júıesinde birneshe túıtkil bar. Bul problemalardy da mınıstr tizip berdi.

«Birinshisi, bizdiń zeınetaqy jınaqtaý júıemiz áli jas, 21 jyl ǵana boldy. Damyǵan elderde mundaı júıeniń qalyptasýyna 34-50 jyl kerek. Ekinshisi – halyq tabysynyń tómendigi. Úshinshisi – zeınetaqy jarnalarynyń tólenbeýi. Ókinishke oraı, búgingi kúnniń ózinde bizde 100 myń kásiporyn jumysshysynyń jalaqysynan 10 paıyz jarna ustap, biraq ony jınaqtaýshy qorǵa aýdarmaı otyr. 2,7 mlrd qaryz bar. Kelesi problema – ınvestıtsııalyq tabys. ıAǵnı, jınaqtaýshy qordaǵy bizdiń jınaǵan jarnamalarymyzdyń ósýine qatysty bolyp tur. Sondyqtan Úkimet birinshi kezekte osy problemalardy sheshý jóninde usynys berdi», - dedi Birjan Nurymbetov.