Bırjadan aqsha tabatyn qazaqstandyqtar sany artýda
2016 jylǵy qarasha aıynyń sońyndaǵy málimetter boıynsha, «Baǵaly qaǵazdar ortalyq depozıtarııi» aktsıonerlik qoǵamynda jeke tulǵalar atynan ashylǵan 104 860 esepshot tirkelgen. Bul 2016 jyldyń basyndaǵy kórsetkishten 3348 esepshotqa kóp. KASE alańynda aktsııa saýdasynda jeke tulǵalardyń eń kóp tartylǵan kezi 2016 jyldyń shilde aıynda tirkelgen (2271). Osy aıda aktsııa saýdasynyń eń kóp brýtto-aınalymynyń úlesi oryn alǵan (62%). Qarasha aıynda bırjada aktsııa saýdasyna qatysqan esepshottardyń sany 1 562 boldy. Qarasha aıynda KASE-de aktsııa saýdasynyń jalpy brýtto-aınalymy byltyrǵy jyldyń bastapqy aılarymen salystyrǵanda 323%-ǵa ulǵaıdy jáne 5,5 mlrd teńgeni qurady», - delingen KASE-niń QazAqparat tilshisine bergen resmı jaýabynda.
Jalpy sońǵy jyldardy alatyn bolsaq, jeke ınvestorlardyń eń iri belsendiligi Halyqtyq IPO baǵdarlamasynyń birinshi jáne ekinshi kezeńderinde tirkelgen. Eske salsaq, onyń aıasynda «QazTransOıl» jáne «KEGOC» kompanııalarynyń IPO-lary ótken bolatyn. Osy qalyptasqan jeke ınvestorlardyń pýly keıin «Ksell», «BAST» jáne «Aqtóbe munaı jabdyqtary zaýyty» kompanııalary IPO-synyń sátti ótýine yqpal etti.
«KASE Indeksiniń 2016 jylǵy oń dınamıkasyna baılanysty, otandyq qor naryǵynda jeke ınvestorlardyń sany artty. Mundaı qarqyn devalvatsııalyq boljamdardyń tómendeýi, sonymen qatar munaı jáne mys baǵalarynyń ósýi sebepterimen túsindiriledi», - delingen xabarlamada.