Bırjadaǵy altyn baǵasy tarıhı rekordty jańartty

<p>ASTANA. KAZINFORM &mdash; Bırjadaǵy sońǵy aqparattarǵa súıensek, Nıý-Iorktegi Comex bırjasyndaǵy maýsymdyq altyn fıýchersteriniń baǵasy 35,2 dollarǵa nemese 1,46%-ǵa ósip, ár ýntsııasy 2452,6 dollarǵa deıin jetti. Al shildedegi kúmis fıýchersteri 3,5%-ǵa, ár ýntsııasyna &mdash; 32,352 dollarǵa deıin artyp otyr.</p>

AQSh-tyń Federaldy rezerv júıesi kúzde negizgi mólsherlemeni tómendetýi múmkin degen boljam bar. Sáıkesinshe, altynnyń quny tómendemeı, kerisinshe kóterilip keledi.

CME Group málimetinshe, ınvestorlardyń shamamen 65%-y bıyl qyrkúıek aıynda dıskonttaý mólsherlemesiniń tómendegenin kútip otyr.

Dástúr boıynsha AQSh-tyń Federaldyq rezervtik júıesindegi aqsha-nesıe saıasatynyń álsireýi dollar baǵasyn ustap, altynnyń qunyn saqtaıtynyn atap ótken jón.

Sondyqtan da, qaltalylar uıqysynan tura sala bırjaǵa nazar aýdarady.

Sondaı-aq, ınvestorlar osy sársenbide Fedrezervtiń mamyr aıyndaǵy otyrysynyń hattamasy jarııalanatynyn kútedi.

Qujatta retteýshiniń dıskonttaý mólsherlemesin tómendetý merzimderi boıynsha múmkin bolatyn josparlary týraly usynystar, keńester bolýy múmkin.