Biryńǵaı kólik ortasyna ózderiniń vedomstvolyq jelilerin qosýǵa mindetti memorgandardyń tizbesi bekitildi
* * *
Qazaqstan respýblıkasy Úkimetiniń qaýlysy
2012 jylǵy 24 jeltoqsan № 1660 Astana, Úkimet úıi
Memlekettik organdardyń biryńǵaı kólik ortasyna ózderiniń vedomstvolyq jelilerin qosýǵa mindetti jergilikti ózin-ózi basqarý organdarynyń, memlekettik organdardyń jáne olardyń aýmaqtyq bólimsheleriniń tizbesin bekitý týraly
«Aqparattandyrý týraly» 2007 jylǵy 11 qańtardaǵy Qazaqstan Respýblıkasynyń Zańy 32-babynyń 5-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan memlekettik organdardyń biryńǵaı kólik ortasyna ózderiniń vedomstvolyq jelilerin qosýǵa mindetti jergilikti ózin-ózi basqarý organdarynyń, memlekettik organdardyń jáne olardyń aýmaqtyq bólimsheleriniń tizbesi bekitilsin.
2. Qazaqstan Respýblıkasy Kólik jáne kommýnıkatsııa mınıstrligi «Kazsatnet» ulttyq kompanııasy» aktsıonerlik qoǵamymen birlesip, jergilikti ózin-ózi basqarý organdaryn, memlekettik organdardy jáne olardyń aýmaqtyq bólimshelerin memlekettik organdardyń biryńǵaı kólik ortasyna qosýdy qamtamasyz etsin.
3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV