«Biryńǵaı kadr júıesi»: Prezıdent Іs basqarmasynda kadr qalaı tańdalady
«Prezıdenttiń Іs Basqarmasy júıesindegi basym baǵyttar men iri jobalar týraly jalǵastyrsaq. Injenerlik-tehnıkalyq ortalyq, uıymdastyrý-baqylaý jáne kadrlyq bólimimen birlese otyryp, bizdiń HR mamandardyń jumysyn aıtarlyqtaı jeńildetetin mańyzdy jobany júzege asyrdy. Byltyr iske qosylǵan «Biryńǵaı kadr júıesi» aqparattyq júıesiniń arqasynda barlyq vedomstvolyq baǵynysty kásiporyndardyń kadrlyq jumysy avtomattandyrylyp, ortaq standart jasaldy. Bul Prezıdenttiń Іs Basqarmasy júıesi jumysyn saralaýǵa jol ashyp otyr», - dep jazdy Aıbek Dádebaev Telegram paraqshasynda.
Onyń aıtýynsha, biryńǵaı kadr júıesi kadrlyq is júrgizý, HR-protsess, eńbekaqy tóleýdi avtomattandyrý, turǵyn úı qory syndy 4 ishki júıeden turady. Pikirinshe, atalǵan júıeniń paıdaly jaǵy – personaldy irikteýde merıtokratııa qaǵıdatynyń saqtalýy men HR-protsesterdiń avtomattandyrylýy.
«Aqyldy» júıe bos laýazymǵa laıyq úmitkerdi aldymen vedomstvolyq baǵynysty uıymnyń ishinen, sodan keıin Prezıdenttiń Іs Basqarmasy júıesindegi qyzmetkerlerdiń arasynan avtomatty túrde ózi tańdaıdy. Sodan keıin ǵana basqa mekemelerden izdeıdi.Tańdaý algorıtminde negizgi 3 ólshem bar, ol – kandıdattyń meńgergen mashyqtary, bilimi jáne eńbek ótili. Sondaı-aq, júıe kandıdattyń sol kásiporynda ǵana emes, búkil PІB júıesinde isteıtin barlyq týystaryn kórsetip, oǵan bura tartýǵa jol bermeıdi. Qyzmetkerdiń tıisti laýazymǵa qanshalyqty laıyq ekenin avtomatty túrde saralap, kásiporyn sheńberinde jáne búkil PІB júıesi boıynsha ádil baǵa beredi. Al bos orynǵa kandıdattyń sáıkestik ólshemi shekti deńgeıden artyq, biraq 100%-dan az bolsa, onda júıe qyzmetkerdi oqytýdyń jalpy josparynda eskeriletin jeke damý josparyn quryp beredi», - deıdi ol.
Prezıdenttiń Іs basqarýshysynyń málimetinshe, biryńǵaı kadr júıesi úmitkerlerdiń sanyn, olardyń qanshasy biliktiligin arttyrǵanyn, kadr rezervinen bos laýazymdarǵa taǵaıyndalǵandardyń úlesin, rezervten ketip qalǵandarǵa qatysty aqparat beredi. Odan bólek, rezervten ketý sebebin kórsetý arqyly kadrlyq rezervtiń qanshalyqty tıimdi ekeni týraly da bilý múmkindigi bar.
«Kadrlyq is júrgizý» modýlinde jumysqa qabyldaýdan bastap eńbek shartyn buzýǵa deıingi barlyq kadrlyq qujattardyń standart shablony qarastyrylǵan. Sondaı-aq, kásiporynda kadrlarǵa qatysty kez-kelgen qajet derekter bazasyn (shtattyń naqty sany, qyzmetkerlerdiń aýysýy, jumysqa kelmeý sebepterin taldaý) qurýǵa bolady. Taǵy bir artyqshylyǵy, eńbekaqy avtomatty modýl arqyly esepteledi. Al «Turǵyn úı qory» modýli arqyly qyzmettik turǵyn úıdiń jaı-kúıin, baspanaǵa muqtaj qyzmetkerlerdiń kezegin baqylaýǵa múmkindik jasalǵan», - deıdi A. Dádebaev.
Sondaı-aq, jazba avtory biryńǵaı kadr aqparattyq júıesi elimizdiń Eńbek kodeksiniń barlyq erejelerine sáıkes keletinin, aqparattyq qaýipsizdik talaptaryna saı tıisti synaqtardan súrinbeı ótkenin aıtty.
Aıtýynsha, kásiporynnyń talaptaryna oraı beıimdep, aýqymyn keńeıtýge bolatyndyǵy júıe artyqshylyqtarynyń biri.
«Buǵan deıin Prezıdent Іs Basqarmasynyń ınjenerlik-tehnıkalyq ortalyǵynyń mamandary ony Ádilet mınıstrliginiń «Jeke tulǵalar», Eńbek jáne halyqty áleýmettik qorǵaý mınıstrliginiń Enbek.kz, memlekettik qyzmet isteri agenttiginiń «E-qyzmet» derekter bazasymen biriktirgen bolatyn. Bıyl jyl sońyna deıin qyzmetkerlerdiń derekterin qolmen engizýdi barynsha azaıtý úshin memlekettik derekqorlarmen ıntegratsııa jasaý tolyq aıaqtalýǵa tıis», - dep tolyqtyrdy Prezıdenttiń Іs basqarýshysy Aıbek Dádebaev.