Birtanov isi - Aýdarmashy sot protsesine qatysýdan bas tartty
Bul osymen atalǵan is boıynsha sot usynǵan ekinshi aýdarmashy. Eks-mınıstr E.Birtanov pen burynǵy vıtse-mınıstr Oljas Ábishevtiń advokattary aýdarmashynyń eńbek ótili, qujat aýdarmasyndaǵy tájirıbesi, quqyq qorǵaý organdaryndaǵy týystaryna qatysty, bilimi men biliktiligi jáne basqa da múmkindikteri týraly suraqtar jaýdardy.
«Qorǵaýshylar tarapynan mundaı kózqarastan soń, sot protsesine qatysýdan ózim bas tartamyn. Naqty bireýge qatysty narazylyǵym joq. Alaıda bul is boıynsha otyrystarǵa qatysýdan bas tartamyn», - dedi aýdarmashy. Osy oraıda ol mundaı qadamǵa óz densaýlyǵyn oılap baryp otyrǵanyn aıtty.
Sýdıa Ibragım Álkenov aýdarmashyny tańdaýǵa qatysty másele 9 maýsymda qaralatynyn atap ótti. Biraq aýdarmashynyń quzyreti týraly másele qaralmaıdy. Aýdarmashy iriktelgennen keıin, sot protsesi birden bastalady.
Óz kezeginde Eljan Birtanov qujattardy tolyqqandy aýdarýǵa ýaqyt kerek ekenin alǵa tartyp, qylmystyq istiń materıaldarymen barlyǵy tanysýy úshin múmkindik berýdi surady.
Onyń aıtýynsha, qujattar arasynda horvatııalyq Ericsson Nicola Tesla kompanııasy tarapynan oryndalǵan jumystardy rastaıtyn málimetter bar. E. Birtanovtyń paıymynsha, osy qujattarmen tanysqannan keıin qylmys quramynyń bolmaýyna baılanysty, prokýrorlardyń ózderi isti toqtatý týraly málimdeme jasaýy múmkin.
Budan buryn habarlanǵandaı, Densaýlyq saqtaý mınıstrliginiń burynǵy basshysy Eljan Birtanovtyń advokaty Nurlan Beısekeev sot otyrysynda Nur-Sultan qalasynyń №2 Saryarqa aýdandyq sotynyń sýdıasy Ibragım Álkenovke qarsy shaǵym bildirdi.
Bıyl mamyr aıynda sýdıa Ibragım Álkenov Eljan Birtanovtyń advokattary negizgi sot otyrysyna tartylǵan memlekettik aıyptaýshylar men Densaýlyq saqtaý mınıstrligi ókiline bildirgen qarsylyqty qabyldamaı tastaǵan edi.
Burynǵy densaýlyq saqtaý mınıstri Eljan Birtanov 2020 jyldyń 3 qarashasynda bıýdjet qarajatyn ysyrap etti degen kúdikpen qamaýǵa alynǵan bolatyn.
Tergeý materıaly boıynsha, Eljan Birtanov pen onyń kómekshisi bolǵan Oljas Ábishevke «laýazymdyq ókiletin teris paıdalaný» arqyly memleketke 1,5 mlrd teńgeniń shyǵyny keltirgeni týraly aıyp taǵylyp otyr.
Al bıyl 12 mamyrda sot Eljan Birtanovqa qatysty qylmystyq isti toqtatýdan bas tartqan edi.