Birneshe mınıstrlik 2 myń bıznes sýbektisine zańsyz tekserý júrgizbek bolǵan – Berik Asylov

ASTANA. QazAqparat – Bas prokýror Berik Asylov Májilis depýtattarynyń ınvestıtsııalardy qorǵaý týraly saýalyna joldaǵan jaýabynda jyl basynan beri quzyrly organnyń 5 myńnan astam tyıym salý jáne shekteý sharasynyń kúshin joıǵanyn málim etti, dep habarlaıdy QazAqparat tilshisi.

«Kəsipkerlik sýbektileriniń múddesi úshin prokýrorlar jyl basynan beri 5 myńnan astam tyıym salý jəne shekteý sharalarynyń, 560 mln teńgeden astam somaǵa 2 myń zańsyz əkimshilik is júrgizýdiń kúshin joıdy. Bas prokýratýranyń narazylyqtary boıynsha mınıstrlikterdiń (densaýlyq saqtaý, aýyl sharýashylyǵy, ekologııa, qarjy, ındýstrııa jəne ınfraqurylymdyq damý) 2 myń bıznes sýbektisine zańsyz tekserý (barý arqyly profılaktıkalyq baqylaý) júrgizýdi kózdegen 9 buıryǵynyń kúshi joıyldy (ózgertildi)», - dep jazady Berik Asylov. https://www.parlam.kz/kk/mazhilis/question-details/19212

Prokýratýra organdarynyń bıznesti qorǵaý jónindegi mobıldi toptary ótkne tórt aıda kəsipkerlerden túsken 1100 shaǵymdy teksergen.

«Túsken sıgnaldardyń ərbir besinshisi (219) rastaldy. «Atameken» UKP-men jəne Bıznes-Ombýdsmenmen tyǵyz yntymaqtastyq ornatyldy.

Prokýrorlardyń kómegimen bıznes sýbektileri úshin ózekti bolyp tabylatyn 12 məsele sheshimin tapty (kəsipkerlerge gazdy joǵary baǵamen satý, zańsyz monıtorıngter júrgizý, JK-ge qatysty salyq buıryqtaryn shyǵarý praktıkasy toqtatyldy, bólshek saýda úshin oryndar anyqtaldy jəne t.b.). Bıznes quqyqtaryn buzý boıynsha barlyǵy 750 qadaǵalaý aktisi engizildi, 360 laýazymdy adamjaýaptylyqqa tartyldy», - delingen jaýapta.