Birneshe adamnyń atynan onlaın-nesıe alǵan qostanaılyq ustaldy

QOSTANAI.QazAqparat – Qostanaı oblysynyń polıtsııa qyzmetkerleri «Hi-tech» jedel aldyn alý is-sharasyn ótkizý kezinde ınternet arqyly nesıe rásimdegen kúdiktiler ustady, dep habarlaıdy QazAqparat.

Oblystyq polıtsııa departamentiniń málimetinshe, jedel operatsııa aqparattyq tehnologııalar, avtorlyq quqyqtardy qorǵaý salasyndaǵy qylmystarmen kúrestiń tıimdiligin arttyrýǵa baǵyttalǵan. Eki kúnniń ishinde krımınaldyq polıtsııa qyzmetkerleri 13 ınternet-alaıaqty anyqtady. Máselen, Qostanaı qalasynda polıtseıler bes fakti boıynsha ınternet-alaıaqtyq jasady degen kúdikpen 26 jastaǵy jergilikti turǵyndy ustady.

«Qaskúnem oblys ortalyǵynyń turǵyndaryna shaǵyn nesıe uıymdarynyń birinen onlaın nesıe rásimdegen. Ótinish berýshilerge keltirilgen jalpy shyǵyn mıllıon teńgeden asty. Kúdikti zardap shekkenderdiń birine 900 myń teńgege jýyq somaǵa nesıe rásimdegen», delingen vedomstvo habarlamasynda.

Taǵy biri onlaın saýda jasaý jolymen paıda tapqysy kelgen. Tártip saqshylary osy derek boıynsha Qostanaı qalasynyń 25 jastaǵy turǵynyn qolǵa túsirdi.

«Koronavırýs pandemııasy kezinde qorǵanys quraldaryn satý arqyly zańsyz aqsha tappaq bolyp, saıttardyń birinde rezeńke qolǵaptar týraly habarlandyrý ornalastyrǵan. Oǵan eldiń ár oblysynan qońyraýlar túsken. Mysaly, Almaty oblysynyń turǵyny kúdiktige 36 myń rezeńke qolǵapqa tapsyrys berip, bir jarym mıllıon teńgeden astam aqsha jibergen. Taýar ótinish berýshige kelmegen. Alaıaq SQO men Aqmola oblystarynyń turǵyndarynan 1 mln 30 myń teńge aqsha alǵan», - deıdi polıtsııanyń baspasóz qyzmeti mamany Kenje Qonysbaı.

Qazir barlyq derekter boıynsha sotqa deıingi tergeý amaldary júrgizilýde.