Birliktiń nátıjesinde epıdemıologııalyq jaǵdaı turaqtandy - Alýa Joldybalına

NUR-SULTAN. QazAqparat - Qazaqstandaǵy epıdemıologııalyq jaǵdaıdy turaqtandyrýdaǵy oń ózgerister qoǵam pen memlekettiń birikken jumysynyń nátıjesi. Bul týraly Qazaqstandyq strategııalyq zertteýler ınstıtýtynyń Facebook paraqshasynda QR Prezıdenti janyndaǵy QSZI áleýmettik-saıası zertteýler bóliminiń basshysy Alýa Joldybalına jazdy, dep habarlaıdy QazAqparat.

Qazaqstan 2020 jyldyń maýsymynan bastap COVID-19 ınfektsııasymen aýyrǵandardyń sany kúrt óskendikten elimizde 5 shildeden bastap karantın qaıta engizildi. Alýa Joldybalınanyń aıtýynsha, epıdemıologııalyq jaǵdaıdy turaqtandyrýdyń mańyzdy sharalarynyń biri - Qazaqstan Respýblıkasynyń azamattaryn dári-dármektermen qamtamasyz etý jáne dári-dármekterdi jeńildetilgen ımporttaý jáne sertıfıkattaý úshin materıaldardaǵy tosqaýyldardy joıý.

Prezıdent osy oraıda dárilik zattardy sertıfıkattaý merzimi men tártibi qysqaratyndyǵyn jáne epıdemııaǵa qarsy qajettilikterdi Bir kózden alý tásilimen ótkizilgen memlekettik satyp alý rásimi uzartylatynyn, Qazaqstan Respýblıkasynda tirkelmegen vırýsqa qarsy preparattardy bir rettik ákelý tártibi jáne otandyq jańa dári-dármek ónimderin tirkeý rásimi jeńildetiletinin atap ótken edi.
«Prezıdent jarııalaǵan osy da jáne basqa sharalar, sondaı-aq 2 tamyzǵa deıin uzartylǵan karantın tártibi elimizde sanıtarlyq-epıdemıologııalyq jaǵdaıdy turaqtandyrýǵa múmkindik berdi. Sonymen qatar, vırýstyń taralýyna qatysty eldegi jaǵdaı kúndelikti Memleket basshysynyń erekshe baqylaýynda boldy.
Sonyń nátıjesinde birqatar oń ózgeristerge qol jetkizdik:
Birinshiden, Qazaqstanda COVID-19 ınfektsııasymen aýyrǵandar kólemi kún saıynǵy ósimi 4% -dan 2,1% -ǵa azaıdy.
Ekinshiden, COVID-19 ınfektsııasy bar naýqastarǵa arnalǵan reanımatsııa tósek-oryndaryn paıdalaný 73% -dan 54% -ǵa tómendedi.
Úshinshider, Qazaqstanda koronovırýs ınfektsııasymen aýyrǵandarǵa úıden járdem kórsetý úshin 3 399 mobıldi top jumys isteýde.
Tórtinshiden, Qazaqstan aımaqtarynda dári-dármekpen qamtamasyz etý úshin turaqtandyrý qorlary quryldy. Arnaıy turaqtandyrý qorlary barlyq aımaqtarda quryldy, sonyń ishinde: Almaty qalasynda - 5 mlrd. teńgege, Nur-Sultanda - 1,2 mlrd. teńgege, Shymkentte - 180 mln. teńgege, Aqtóbe oblysynda - 500 mln. teńgege, Shyǵys Qazaqstan oblysynda. - 250 mıllıon teńgege.
Besinshiden, Qazaqstannyń aýrýhanalarynda COVID-19 preparatyn emdeýge arnalǵan bir aılyq dári-dármektermen qory jasaqtaldy. Sonymen qatar, taǵy 3 aıǵa rezerv qurý úshin dári-dármekterdi otandyq óndirýshilerden de, ımporttaýshylardan da satyp alý protsedýralary jalǵasyp jatyr.
Altynshydan, eki aptanyń ishinde koronovırýs ınfektsııasyn juqtyrǵan adamdarynyń emdelip shyǵý kórsetkishi 63% artty.
Osy oń ózgeristerge jetý úshin bizdiń elimizdiń medıtsına qyzmetkerleri birneshe aı boıy, esh tynym tappaı azamattardyń ómirin qutqara otyryp, qyzmet atqaryp keledi. Oń ózgeristerge qaramastan, áli de bolsa, qalypty ómirge qaıta oralý árqaısymyzdyń karantın rejımindegi tártibimizge, áreketimizge baılanysty, sol sebepti, vırýstyń taralýyn ári qaraı boldyrmaý úshin árbir azamat pen memleket birigip, jumylyp áreket etýin jalǵastyrýy tıis», deıdi QR Prezıdenti janyndaǵy QSZI áleýmettik-saıası zertteýler bóliminiń basshysy.