«Birliktiń, eldiktiń jol kartasy» jobasy aıasynda 550 myńǵa jýyq adamǵa naqty kómek kórsetildi
«Qazaqstan halqy Assambleıasynyń HHІ sessııasynda Elbasy, Qazaqstan Respýblıkasynyń Prezıdenti Nursultan Nazarbaev 2015 jyldy Qazaqstan halqy Assambleıasynyń jyly dep jarııalaýdy usynǵan bolatyn. Soǵan baılanysty ótken aıdyń 29-y kúni Elbasynyń arnaıy Jarlyǵy qabyldandy. Búginde bul Jarlyq boıynsha Úkimettiń Ulttyq jospary daıyndalyp jatyr. Jospar boıynsha kelesi jyly naqty ótetin is-sharalardyń barlyǵynyń tizimi belgilenip, birliktiń, eldiktiń, elimizdiń turaqty damýy aıasynda memlekettik organdardyń qatysýymen osy suraqtardy ortaǵa shyǵaryp, qarastyratyn bolamyz», - dep atap ótti ol.
E. Toǵjanovtyń aıtýynsha, QHA bıyldyń ózinde biraz jumystar atqarǵan. «Osy aıdyń basynan bastap biraz sharalar qolǵa alynǵan bolatyn, olardyń ishinde halyqaralyq deńgeıdegi sharalar da bar. Ózderińiz jaqsy bilesizder, ótkende ǵana Londonǵa baryp, QHA-nyń ortalyǵyn ashyp keldik. Sonymen qatar, depýtattar AQSh-qa baryp, birqatar laýazymdy tulǵalarmen kezdesip, ultaralyq tatýlyqtyń qazaqstandyq modelin osy elde dáriptelýine jol ashyp keldi», - dedi E. Toǵjanov.
Onyń málimetinshe, 2015 jyldyń qańtarynyń aıaǵynda QHA jylynyń saltanatty ashylýyna baılanysty úlken is-shara ótedi. 1 naýryzda Assambleıanyń qurylǵan kúnine oraılastyrylyp, arnaıy is-sharalar qarastyrylǵan. «Sonymen qatar jyl saıyn sáýir aıynda ótetin arnaıy sessııamyz da keń kólemde uıymdastyrylady. Mamyr aıynda bir aı boıy Uly Otan soǵysyndaǵy Jeńistiń 70 jyldyǵyna baılanysty da kóptegen sharalar ótkiziledi. Sondaı-aq kelesi jyly Konstıtýtsııamyzdyń 20 jyldyǵy, soǵan da úlken daıyndyqtar júrgizýdemiz», - dedi E. Toǵjanov.
Onyń málimetinshe, kelesi jyldyń kúz aılarynda da úlken festıvalder qarastyrylyp otyr. Onyń ishinde memlekettik tilge baılanysty sharalarǵa erekshe nazar aýdarylady.
«Memlekettik tildi basqa ult ókilderiniń sanasyna jetkizip, olardyń úırenýge degen qyzyǵýshylyǵyn týdyrý sharalary tek kúz aılarynda ǵana emes, búkil jyl boıy júrgiziledi», - dep atap ótti Assambleıa Tóraǵasynyń orynbasary.
Aıta keteıik, QHA jylynyń qorytyndysy «Qazaqstan halqy forýmy» aıasynda aıaqtalady.
«Ózderińiz bilesizder, Assambleıa bastaýymen byltyrǵy 1 naýryzda «Birliktiń, eldiktiń jol kartasy» jobasy qolǵa alynǵan bolatyn. Kelesi jyldyń naýryz aıynda osy jobanyń qorytyndysyn shyǵaratyn bolamyz. Ol jerde kóptegen áleýmettik suraqtardy sheshýge baılanysty, ásirese aýdandarymyzda, aýyldarymyzda materıaldyq kómekke muqtaj adamdarǵa qol ushyn berý máselesine basa nazar aýdarylady. Osy shara barysynda 550 myńǵa jýyq adamǵa naqty kómek kórsetilgen. Bul jumystar odan ári jalǵasyn taba bermek», - dedi E. Toǵjanov.