Birlik kúni merekesi elimiz úshin de, Elordamyz úshin de aıryqsha mánge ıe - Á. Jaqsybekov

ASTANA. QazAqparat - Astana ákiminiń m.a. Ádilbek Jaqsybekov elordalyqtardy Qazaqstan halqy birligi kúnimen quttyqtady, dep habarlaıdy ákimdiktiń resmı saıtynan.

«Qurmetti astanalyqtar jáne qala meımandary!

Sizderdi 1 Mamyr - Qazaqstan halqynyń birligi kúnimen shyn júrekten quttyqtaımyn!

Bıylǵy mereke - ulttar dostyǵynyń álemde balamasy joq uıymy - Qazaqstan halqy Assambleıasynyń 20 jyldyq mereıli belesimen tuspa-tus kelip otyr. Sondyqtan da bul meıramnyń mańyzy elimiz úshin de, Elordamyz úshin de aıryqsha mánge ıe.

Kúni keshe Qazaqstan jurtshylyǵy óziniń tarıhı tańdaýyn jasap, Elbasymyz - Nursultan Nazarbaevty Qazaqstan Respýblıkasynyń Prezıdenti joǵarǵy laýazymyna qaıta saılady. San alýan ulttan quralǵan halqymyzdyń birligi men uıymshyldyǵyna kýá bolǵan álem elderi úshin «etnosaralyq birliktiń qazaqstandyq modeli» biregeı úlgige aınalyp otyr.

Osynaý dostyq pen turaqtylyqtyń ólshemine, tatýlyq pen berekeniń baǵa jetpes dástúrine aınalǵan mereıli meıramda barshańyzdyń denderińizge saýlyq, otbasylaryńyzǵa amandyq, baq pen bereke tileımin», - dep jazylǵan quttyqtaýda.