«Birligimiz jarasqan» naýqanyn qoldaýshylardyń sany 300 myńnan asyp jyǵyldy - L.Hamadınova
Qazaqstannyń Azamattyq alıansynyń atqarýshy dırektory Alına Hamadınovanyń jýrnalısterge bergen suhbatynda atap kórsetkenindeı, «Birligimiz jarasqan» aktsııasy áýelgi josparlanǵan aýqymynan asyp túsip, ony qoldaýshylardyń qatary birte-birte kóbeıe túsken. Olardyń arasynda úkimettik emes uıymdar, memlekettik ınstıtýttar men bıznes qurylymdar jeterlik.
Shara sheńberinde 400-den astam aktsııa uıymdastyryldy.
L.Hamadınovanyń aıtýynsha, olardyń arasyndaǵy eń aýqymdysy - patrıottardyń respýblıkalyq forýmy bolǵan. «Biz onda kútpegen jerde erlik jasaǵan qarapaıym patrıottardy qurmettedik. Olardyń biri sýǵa ketip bara jatqan adamdy qutqaryp qalǵan bolsa, biri adamdy ot ajalynan aman alyp qalǵan, taǵy biri sol sııaqty basqa da ıgi isterdi jasaǵan. Naýqanǵa qosylýshylardyń legi oılaǵannan áldeqaıda asyp túskendikten, aǵymdaǵy shilde aıynda onyń bir nátıjesin shyǵaryp, bolashaqta ony jalǵastyrsaq degen oı bar», - dedi ol.
Jaqsy ister men qarapaıym adamdardyń erligin ulyqtaýdy maqsat tutqan «Birligimiz jarasqan» naýqany - jalpy respýblıkalyqtan, jalpy halyqtyq sharaǵa aınaldy.
Búgin Azamattyq alıanstyń nıettesteri Astana vokzalynan saparǵa attanǵan «Densaýlyq» emdeý-dıagnostıkalyq medıtsınalyq poıyzben birge jolǵa shyǵyp, uıymdastyrýshylardyń biri - «Qazaqstan temir joly» UK» AQ-men birge temirjol kóligi toqtaıtyn iri stansylarda balalarǵa arnalǵan oıyn alańdaryn quryp, qaıyrymdylyq taǵamdaryn úlestiretin bolady.