Birligi bekem eldiń irgesi berik bolady - Talǵat Qarjaýov
«Dál qazirgi kezeń - barshamyzdyń adamdyq boryshymyz ben azamattyǵymyz synalatyn sát. Aty jaman kesel jahandy jaýlaǵan sátte qazaq eli bir jeńnen qol, bir jańadan bas shyǵara bilýimiz kerek. Memleket basshysy Qasym-Jomart Toqaev jaǵdaıdy óziniń tikeleı baqylaýynda ustap keledi. Sonyń taǵy bir aıǵaǵy jaqynda jarııalaǵan úndeýi bolyp tabylady. Onda elimizge tóngen qaýiptiń aldyn alý joldary men saqtyq sharalarynyń barynsha kúsheıgen rejımi engizilgen», - deıdi «ROSAZIıANEFTЬ» JShS dırektory.
Onyń sózinshe, álemniń ózge elderinde azyq-túlik tapshylyǵy beleń alǵan.
«Bizdiń elde mundaı jaǵdaı bola qoımady. Osynyń ózi memleket tarapynan der kezinde ári durys berilgen derek kózderiniń arqasynda bilemin. Búgingi tańda barynsha saqtyq sharalaryn saqtaý arqyly biz óz taǵydyrymyzben qosa, ózge de adamdardyń ómirin qutqara alamyz. Qazaqstannyń bir azamaty retinde men de óz úlesimdi qosyp, Túrkistan oblysynda ashylǵan qorǵa 1 mln 200 myń tg qarajat aýdarýdy uıǵardym. Basty maqsatym – osy qıyn sátte oblys damýyna óz úlesimdi qosý», - deıdi Talǵat Qarjaýov.
Eske sala keteıik, keshe Qasym-Jomart Toqaevtyń tóraǵalyǵymen tótenshe jaǵdaı jónindegi memlekettik komıssııanyń otyrysy ótken edi. Onda Prezıdent dárigerlerge alǵys aıtty.
«Sizderge shynaıy alǵysymdy aıtamyn. Úkimet pen ákimderge qosymsha qarjy taýyp, koronavırýsqa qarsy kúres jumystaryna tartylǵan dárigerlerge, polıtsııa qyzmetkerlerine jáne ózge de mamandarǵa 1 aılyq kóleminde syıaqy berýdi tapsyramyn», – dedi Memleket basshysy.