Birlesken kásiporyndarda Qazaqstan azamattary jumys isteýi tıis – Senat tóraǵasy

ASTANA. QazAqparat – Investorlar Qazaqstan aýmaǵynda jobalardy iske asyrý kezinde birinshi kezekte bizdiń jumysshylardy qamtýy kerek. Bul týraly Senat tóraǵasy Máýlen Áshimbaev aıtty, dep habarlaıdy QazAqparat tilshisi.

«Kez kelgen kompanııanyń jumysyna qatysty toqtalsaq, birlesken kásiporyndarda Qazaqstan azamattary jumys isteýi tıis. Biz osyndaı saıasatty ustanyp otyrmyz, osy baǵyttaǵy qadamdarǵa basymdyq berilip otyr», - dedi M. Áshimbaev Senattyń jalpy otyrysynan keıin tilshiler suraǵyna jaýap bere otyryp.

Osy oraıda Senat tóraǵasy jumyspen qamtý máseleleri elimizdiń zańnamasynda eskerilgenin eske saldy.

Budan buryn habarlanǵandaı, búgin Máýlen Áshimbaev batys memleketteriniń Reseıge qatysty sanktsııasy jóninde pikir bildirdi.

Sonymen qatar ol Memleket basshysy Qasym-Jomart Toqaevtyń Qytaıǵa sapary qandaı nátıje berýi múmkin ekenin aıtty.