Birqatar jobalardy iske qosýdy ekinshi jartyjyldyqqa shegerý usynylyp otyr - Indýstrııa jáne jańa tehnologııalar mınıstrligi

nbsp;ASTANA. Maýsymnyń 1-i. QazAqparat /Rýslan Ǵabbasov/ - Údemeli ındýstrııalyq-ınnovatsııalyq damý baǵdarlamasy boıynsha bıylǵy birinshi jartyjyldyqta iske qosylatyn birqatar jobalardy iske qosýdy ekinshi jartyjyldyqqa shegerý usynyldy.

Bul týraly búgin Úkimet otyrysynda Indýstrııa jáne jańa tehnologııalar vıtse-mınıstri baıandap berdi, dep habarlaıdy QazAqparat.

A. Raýdyń sózine qaraǵanda, merzimge sáıkes tapsyrý ýaqyty kesheýildep otyrǵan nysandardyń ishinde Qostanaı oblysyndaǵy makaron fabrıkasy bar. Keshigý sebebi - jabdyqtardyń belgilengen merzimde jetkizilmeýi. Sondaı-aq Mańǵystaý oblysyndaǵy gazbetondyq zaýyt boıynsha qarjylandyrý máselesi sheshilmegen. Al Qyzylorda oblysyndaǵy Qumkól stansysyndaǵy qosymsha eki gaztýrbına qurylǵynyń qurylysy logıstıkanyń jetkizilýinen kesheýildep otyr.

Onyń sózine qaraǵanda, ákimdikter keıbir jobalardy merziminen buryn tapsyrýdy usynǵan. «Іske qosylýy ekinshi jartyjyldyqqa josparlanǵan jobalar, ıaǵnı kúsheıtilgen jumystyń nátıjesinde bıylǵy jylǵy shildeniń 1-inde paıdalanýǵa tapsyrylǵaly otyr»,- dedi vıtse-mınıstr.

Bunda «QazAgro» holdıngimen júzege asyrylyp otyrǵan Batys Qazaqstan oblysyndaǵy mal semirtý alańy, Qyzylorda oblysyndaǵy kómirsýtek shıkizatyn jáne shaıylǵan munaı qaldyqtaryn qaıta óńdeý jónindegi qurylǵy, «Aqtóbelik mys kompanııasy» iske asyryp otyrǵan mysty-myrysh kenin qaıta óńdeýdiń №2 fabrıkasynyń qurylysy, Pavlodar oblysyndaǵy «Taman» JShS bazasyndaǵy júk vagondaryn jınaý boıynsha birinshi iske qosý óndirisin tapsyrý qamtylǵan.